Kevredigezh Kembre-Breizh

Tro evit Kembreiz da implijout o brezhoneg ha da anavezout gwelloc'h Breizh

2012-01-07T15:45:00.004Z

DIBENN-SIZHUNVEZH KEMBRE-BREIZH / PENWYTHNOS CYMRU-LLYDAW

TI AR C’HOADOŪ, AR CHAPEL NEVEZ, BRO DREGER

Sul 03.06.2012: Karr-lestr Brittany Ferries o loc’hañ eus Portsmouth da 8e15 da noz

Sul 03.06.2012: Fferi gan Brittany Ferries yn gadael Portsmouth am 8.15 yr hwyr

Lun 04.06.2012 :

- Karr-lestr oc’h erruout e Sant-Maloù da 8e15 vintin

- Mont da d/Ti ar C’hoadoù evit merenn, hag evit an endervezh

Llun 04.06.2012 :

- Y fferi’n cyrraedd Sant-Maloù (Saint-Malo) am 8.15 y bore

- Mynd i Ti ar C’hoadoù i gael cinio canol dydd, ac am y prynhawn

Meurzh 05.06.2012 betek Gwener vintin (08.06)

Chom a raio pep hini e Ti ar C’hoajoù. Abadennoù liesseurt a vo kinniget e brezhoneg, da skouer:

- Ober anaoudegezh gant ar c’hoadoù

- Poazhañ bara

- Mont da welet ur botaouer lêr, ur vilin dour … Un animatour a vo ganeomp bep tro.

Diouzh an noz e vo kinniget dansoù ha kontadennoù. Gallout a ran ivez kinnig kentelioù brezhoneg, mar bez tud dedennet.

Gwener vintin: Mont da Sant-Maloù abred diouzh ar beure. Loc’hañ a ra ar c’harr-lestr da 10e30.

Mawrth 05.06.2012 tan fore Gwener (08.06)

Bydd pawb yn aros yn Ti ar C’hoajoù. Trefnir gweithgareddau amrywiol yn Llydaweg, e.e.

- Darganfod y goedwig

- Pobi bara

- Ymweld â gwneuthurwr esgidiau lledr, â melin ddŵr … Bydd gennym arweinydd bob tro.

Yn y nos trefnir chyfle i ddawnsio ac i glywed straeon. Gallaf hefyd gynnig gwersi Llydaweg, os oes diddordeb.

Bore Gwener: Mynd i Sant-Maloù yn gynnar y bore. Mae’r fferi’n gadael am 10.30 a.m.

Priz (reizh pe damreizh)

164 € evit ar staj a-bezh (bod, boued hag abadennoù). Linselioù ha pallennoù zo er greizenn. Priz ar veaj da Vreizh zo ouzhpenn, evel-just.

Ma vefe ezhomm ur c’harr-boutin evit mont da welet ar botaouer ler pe ar vilin e kousto war-dro 60 € ouzhpenn evit pep veaj.

Kasit ur chekenn a £50 din war ma anv-me. Ouzhpennit ho titouroù (anv, chomlec’h, chomlec’h postel, niverenn bellgomz, vejetarian pe get, live ho prezhoneg) ar buanañ ar gwellañ hag a-raok ar 27 a viz Genver 2012.

Pris (yn gywir, neu fwy neu lai)

164 € am y cwrs cyfan (llety, bwyd a gweithgareddau). Mae cynfasau gwely a blancedi yn y ganolfan. Mae cost y daith i Lydaw i’w hychwanegu, wrth gwrs.

An titouroù-se zo diazezet war 15 – 20 den o kemer perzh. Pa vo gouezet da vat pet a dud a zeuio da Vreizh e vo kaset ur fakturenn din ha gwelet e vo hag-eñ eo reizh ar priz pe get.

Mae’r manylion hyn yn seiliedig ar griw o 15-20 o bobl. Pan fydd yn gwbl glir faint o bobl a ddaw i Lydaw, caf anfoneb a chawn weld a yw’r pris yn deg neu beidio.

Anfonwch siec ataf am £50, yn dyladwy i mi. Rhowch eich manylion (enw, cyfeiriad, e-bost, rhif ffôn, llysieuwr neu beidio, lefel eich Llydaweg) gorau po gyntaf a chyn 17 Ionawr 2012.

Jacqueline Gibson

2 Garden an Escop

22220 Landreger/Tréguier

Breizh

(F)

Tro da vrezhonegañ en Aberystwyth

2011-11-29T12:19:00.000Z

En em vodañ a raimp evit kaout an digarez da vrezhonegañ, e-tro 2e15 goude merenn, d’ar gwener 2 a viz Kerzu 2011, en ti-debriñ italian nevez e penn uhelañ Heol y Bont, Aberystwyth, nepell diouzh an horoloj. Ur stal vihan zo e krec’h (e-tal ar vatimant m’emañ Edinurgh Woolen Mill) hag en traoñ ul lec’h aezet ha brav evit komz asambles. Degemer mat d’an holl.

Cyfle i ymarfer siarad Llydaweg i lawr y grisiau yn y tŷ bwyta / siop Eidalaidd newydd yn Heol y Bont, Aberystwyth, nid nepell o’r Cloc. Dydd Gwener, 2 Rhagfyr, 2011, am 2.15pm.

Prezegenn vrezhonek en Aberystwyth

2011-11-18T13:34:00.001Z

Herve ar Bihan,

kelenner e Skol-Veur Roazhon II,

a raio ur brezegenn e brezhoneg diwar-benn

Anjela Duval,

d’ar yaou, 24 a viz Du, 2011,

da 7e30 noz,

er Skol-Veur Gozh, Aberystwyth.

(Titouroù ar sal da vezañ embannet bremaik).

Degemer mat d’an holl.

Un dell-gastiz evit Jill Evans

2011-11-04T14:12:00.002Z

Jill Evans, kannad gant Plaid Cymru e Sened Europa, he deus bet un dell-gastiz goude nac’hañ prenañ un aotre skinwel, ar pezh a zo ret e Breizh-Veur. Nac’het he doa ober se a-benn sevel a-du gant stourm Cymdeithas yr Iaith a-enep ar raktres da grennañ war zispignoù ar chadenn skinwel gembraek, S4C, ha da cheñch an doare d’he ren.

Er sizhun-mañ ez eus bet divizet gant Cymdeithas yr Iaith paouez a c’houlenn digant an dud nac’hañ prenañ aotreoù skinwel, dre ma’z eus bet graet, nevez zo, un emglev etre ar BBC hag S4C a-fed dazont ar chadenn betek 2017.

Ouzhpenn lakaat warni un dell-gastiz a £500 e ranko paeañ £75 all d’al lez-varn, hervez ar varnadenn.

Hag anaout a raec'h Per Denez?

2011-09-07T11:57:00.002+01:00

Emeur o prientiñ niverenn a zeu Al Lanv, a vo gouestlet ul lodenn vras anezhi da bPer Denez. Al Lanv ’zo ur gelaouenn drimiziek a gomz diwar-benn politikerezh, sevenadur ha lennegezh abaoe 1980.

Per Denez a skrive ingal er gelaouenn-se hag alies diwar-benn Kembre ha Kembreiz vrudet. Mar hoc’h eus anavezet anezhañ hag e vefe laouen skipailh Al Lanv o kaout ur pennad diganeoc’h (betek 1000 ger), kement-mañ er stumm a blijo deoc’h (testenn, skeudennoù, englyn, barzhoniezh...). Kasit mar plij ho pennad a-raok fin miz Gwengolo.

Deskiñ dre lizher

2011-09-05T10:03:00.001+01:00

Skol Ober, kentelioù brezhoneg dre lizher pe dre bostel, zo un doare divoutin hag aes da zeskiñ brezhoneg er gêr, hervez amzer pep hini ha d'ur priz izel. Bez e c’heller lakaat e anv a-hed ar bloaz. Ar c'hentelioù zo kenkoulz d’an dud vras evel d’ar grennarded, d’ar skolidi ha d’ar studiereien a fell dezho deskiñ, addeskiñ pe gwellaat yezh ar Vro.

Evit gouzout hiroc’h, skrivit pe pellgomzit d'ar sekretourva, pe grit ur sell d’al lec’hienn:

SKOL OBER
14 straed Louzaouenn-an-Hañv
14 rue du Muguet
22300 LANNUON
pgz: 02.96.48.03.00
skolober@brezhoneg.org
www.skolober.com

Marv Pêr Denez

2011-07-31T12:36:00.001+01:00

Glac'haret eo Keveredigezh Kembre-Breizh o reiñ da c'houzout eo aet d'an Anaon hor prezidant a enor, Pêr Denez, da 90 vloaz.

Gouestlet en deus e vuhez da Vreizh, d'he fobl ha d'he yezh.

Al lid interamant a vo dalc'het d’ar Merc’her 3 a viz Eost 2011da 2 eur en iliz an Thabor (I.V. Sant-Melen) e Roazhon.
Ra vo skañv douar Breizh evitañ.

Enklaskerez o c'houlenn skoazell

2011-06-21T10:30:00.001+01:00

"Intron, Aotrou,

Marianna Donnart eo ma anv ha studierez on e bro Iwerzhon, e Dublin City University. A-benn klokaat ma Master treiñ eo dav din sevel un dezenn hag em eus dibabet studiañ an troer emgefreek Brezhoneg-Galleg.Un troer emgefreek a zou r poellad a dro un destenn eus ur yezh A davet ur yezh B hep sikour ebet eus perzh mab-den. Ar skouer brudetañ e tle bezañ Google Translate, met bez ez eus ivez un troer barrek da dreiñ eus Brezhoneg davet Galleg. Un oustilh talvoudus eo evit an dud dedennet gant sevenadur Breizh hag a fel dezho kompren testennoù pe skridoù e Brezhoneg. En-linenn e zo tu kavout an troer mañ : http://www.apertium.org/.

Evit ma studi eo dav din amprouiñ ar sistem treiñ. Evit ober kement-mañ em befe ezhomm eus o skoazell. Emaon o klask tud a youl vat prest da respont d’ur goulennaoueg en linenn. Al lodenn gentañ a zo lenn troidigezhioù graet gant Apertium hag an eil lodenn zo respont d’un nebeut goulennoù diwar-benn an troer emgefreek.
Skrivañ ‘ran deoc’h neuze gant ar spi e skignfec’h ma studi e touez izili ho kevredigezh en ur gas dezho al liamm d’am goulennaoueg a c’hellit kavout amañ : http://www.kwiksurveys.com?s=NJEHOH_4b766448 .

Dianv eo ar studi ha ne tlefe ket padout hiroc’h eget un hanter-eurvezh d’ar muiañ tout. Pouezus tre eo e vefe respontet d’an holl goulennoù.Plijet on da respont d’ho koulennoù ha da gas deoc’h disorc’hoù ma studi (skrivet e Saozneg) ma fell deoc’h o lenn.

Trugarez evit o aked ha ken ar c’hentañ,

Marianna Donnart"

Komz brezhoneg en Ultra Comida, Aberystwyth

2011-06-04T20:13:00.001+01:00

Komz brezhoneg en Ultra Comida, Aberystwyth, a photo by bara-koukoug on Flickr.

Er bloaz-mañ ez eus bet muioc’h a vrezhonegerien en Aberystwyth eget biskoazh, koulz eus Skol-Veur Brest evel eus Skol-Veur Roazhon 2. Ur blijadur eo bet din ha d’ar re all amañ o deus desket un tamm brezhoneg en em gavout ganto ha komz ar yezh. Erru ar poent dezho kimiadiñ avat ha sed-amañ an dro ziwezhañ deomp da dapout ur banne asambles.

Labour o c'hounit tachenn

2011-05-06T14:20:00.002+01:00

Ur vro rusoc’h eo deuet Kembre da vezañ da heul dilennadegoù ar Vodadeg Vroadel amañ. Ar strollad broadel, Plaid Cymru, en deus kollet 4 flas, an Demokrated Frankizour o deus kollet 1 hag ur c’hannad dizalc’h e Blaenau Gwent ivez en deus kollet e blas. Diouzh an tu all en deus gounezet ar Strollad Labour 4 flas hag ar Virourien, daoust d’o folitikerezh drastus a-fed krennañ war an dispignoù, o deus gounezet 1.

A-raok an dilennadegoù e ranke Labour kontañ war bPlaid Cymru evit ren ha c’hoazh e hañval e vo ret da Labour kaout skoazell, rak chom a ra hep tapout ur muiañniver. Labour en deus 30 a blasoù er Vodadeg, met ar Virourien o deus 14, Plaid Cymru 11, hag an Demokrated Frankizour 5 (30 en holl eta, dres evel Labour).

Kolloù evit Plaid Cymru, met e Bro-Skos, diouzh an tu all, ez ar strollad broadel a nerzh da nerzh en un doare souezhus a-walc'h!

Brezhoneg en Aberystwyth

2011-04-15T13:14:00.002+01:00

drink, a photo by anooos on Flickr.

Tro da gomz diwar-benn Breizh hag ar bed a-bezh en ur evañ ur banne kafe, e krec'h (ma vez sioul ha brav hogos bep tro), en Home Café, Heol y Wig, Aberystwyth, da 3eur30 enderv, da'r meurzh 26 a viz Ebrel.

Cyfle i sgwrsio yn Llydaweg - Home Café, Aberystwyth (lan staer) - 26/4/2011 am 3.30pm

Ur brezegenn e brezhoneg en Aberystwyth / Darlith Lydaweg yn Aberystwyth

2011-04-08T10:38:00.003+01:00

allee-nominoe-bretagne-breizh, a photo by bevet.breizh on Flickr.

ROUANTELEZH BREIZH EN IXvet KANTVED HA GWERZ DROUKKINNIG NEVENOE ER BARZHAZ BREIZH

Yann Talbot a raio ur brezegenn war an tem-se, e brezhoneg, er Skol-Veur Gozh, Skol-Veur Aberystwyth, da 7eur30 noz, d’ar yaou 5 a viz Mae, 2011.

Digor ha digoust d’an holl.

Bydd Yann Talbot yn rhoi darlith ar y pwnc uchod, yn Llydaweg, yn yr Hen Goleg, Prifysgol Aberystwyth, am 7.30pm, ar ddydd Iau, 5 Mai, 2011.

Croeso i bawb ac ni chodir tâl.

Tro da vrezhonegañ en Aberystwyth

2011-04-07T12:24:00.000+01:00

Kinnig a ran en em vodomp evit komz brezhoneg

d’ar meurzh 12 a viz Ebrel

en Home Café (e krec’h),

Heol y Wig,

da 2eur30. Degemer mat d’an holl.

Kentelioù kembraeg e Landreger

2011-04-05T12:58:00.002+01:00

Ar pont dreist ar Yeodi e Landreger / Y bont dros Yeodi, Landreger (Tréguier), a photo by bara-koukoug on Flickr.

N'eus ket tud a-walc'h ken evit derc'hel ur gentel gembraeg da sadorn e Landreger, met Jacqueline a ginnig en em gavfe ar re a zo dedennet d'ar 14 a viz Mae evit ar wech diwezhañ. Seblantout a ra e c'hall ar braz eus an dud mont di d'an deiziad-se. Er bloaz a zeu e vo klasket kaout un dibenn-sizhun kentelioù kembraeg, pe memes daou. Bet ez eus brezhonegerien e Glan-llyn er bloaz-mañ ha divizet e voe neuze e teufe izili zo eus Cymdeithas Cymru-Llydaw da Vreizh e-pad 4 devezh war-dro ar Pask 2012. Neuze e vefe aozet abadennoù etre kembraegerien ha brezhonegerien en ul lec'h bennak e Breizh (kenteliou kembraeg ha reoù brezhoneg diouzh ar beure, mont da welet ar vro asambles diouzh an abardaezh).

Emsaverien e Londrez o tifenn ar chadenn skinwel gembraek

2011-04-01T09:09:00.002+01:00

Lobio yn Llundain 038, a photo by Heledd ap on Flickr.

Gwelet e vez S4C, ar chadenn skinwel gembraek, evel unan eus an arouezioù pouezusañ eus stad ar c’hembraeg hag eus lec’h ar yezh e buhez ar vro. Dazont ar chadenn zo en arvar avat. Ar raktres n’eo ket kas ar chadenn da get, met kentoc’h kinnig cheñch an doare d’he ren ha d’hec’h arc’hantaouiñ. Cymdeithas yr Iaith a wel ar c’hemmoù evel re hag a c’hallfe bezañ drastus, ha broadelourien Kembre, war an holl, a seblant bezañ nec’het pa’z eus komz eus kreñvaat dalc’h ar BBC war ar chadenn. Un ensavadur breizhveurat eo a zeufe da zisplantañ unan kembreat, emezer. Diouzh an tu all e c’haller goulenn daoust ha pegen dizalc’h eo S4C, forzh penaos, pa resev hec’h arc’hant eus Londrez? Ouzhpenn-se, mar bije e dalc’h ar BBC e c’hallfe dont da vezañ ur gwir chadenn gembraek ha n’eo ket unan ma vez troc’het pep abadenn gant bruderezh enoeüs e saozneg. BBC Alba zo paour a-walc’h e-keñver S4C hag adskignañ a ra ar memes abadennoù meur a wech; ur misi avat eo sellet ouzh ar chadenn-se, libr ma’z eo diouzh ar bruderezh. Meur a vanifestadeg zo bet dalc’het gant Cymdeithas yr iaith evit enebiñ ouzh raktresoù ar gouarnamant evit ar skinwel. Manifesterien zo bet o tirenkañ abadennoù, hag o vanifestiñ er straedoù. Goulenn ar ra ar gevredigezh ivez e chomfe an dud hep paeañ evit o aotre skinwel, dres evel ma raent gwechall pa voe nac’het krouiñ S4C gant an itron Thatcher. Hervez ar gevredigezh e talvezfe ar raktresoù: 1. e vefe digresket arc’hant ar chadenn dre ouzhpenn 40%, 2. e vefe renet gant ar BBC, ha 3. ‘e vefe roet d’ar vinistred e Londrez ar gwir da gas ar chadenn da get.’ Stourm a ra Cymdeithas yr Iaith koulz a-enep ar BBC evel a-enep ar politkerezh ar gouarnamant e Londrez, en ur lavaret o deus kenlabouret evit lakaat S4C war hent ar c’holl. D’an 30 a viz Meurzh e oa bet dalc’het c’hoazh ur vanifestadeg evit S4C gant Cymdeithas yr Iaith, e Londrez er wech-se. Roet e oa bet ganto d’ar gouarnamant ur skrid-goulenn bet sinet gant ouzhpenn 12,000 den. A-hend-all ez eus bet savet ur strollad all anvet Rhyddid Cymru (Frankiz Kembre) ha skrivet o deus ar re-se da Jermey Hunt, ministr ar sevenadur e Londrez, o c’houlenn un emgav gantañ evit breutaat afer ar skinwel. En o lizher e voe meneget komzoù Des Dalti, eus ar strollad republikan iwerzhonat Sinn Féin: ‘Evel Iwerzhoniz emañ ar gwir diazez gant Kembreiz da reiñ lañs d’o yezh ha d’he c’helenn.’ Mark Thompson, penn-rener ar BBC, zo bet o komz gant Cymdeithas yr Iaith ha disklêriet en deus emañ a-du gant ar skingas e kembraeg hag eo mennet da virout S4C ‘dizalc’h a-fed he renerezh’. ‘N’eo ket ar pal sujañ S4C ma teufe da vezañ lod eus ar BBC,’ emezañ.

Emvodoù evit brezhonegañ: Aberystwyth / Kerdiz

2011-03-14T15:29:00.003Z

Y Llong a'r Castell / Ship & Castle, y Stryd Uchel / High Street, Aberystwyth a photo by bara-koukoug on Flickr.

Dydd Iau, 17 Mawrth, am 3.30 y prynhawn yn y Llong a’r Castell, Aberystwyth
D’ar yaou 17 a viz Meurzh, da 3e30 d’enderv er Vag hag ar C’hastell, Aberystwyth

Dydd Mercher, 23 Mawrth am 3.30 y prynhawn yn y Blue Creek, Aberystwyth
D’ar merc’her, 23 a viz Meurzh, da 3e30 d’enderv er Blue Creek, Aberystwyth

Dydd Sadwrn, 26 Mawrth am 2.30 y prynhawn yn y Chapter, Treganna, Caerdydd
D’ar sadorn, 26 a viz Meurzh, da 2e30 d’enderv er Chapter, Treganna, Kerdiz

Croeso i bawb
Degemer mat d’an holl

Ur sac’had barzhonegoù savet gant stajerien Glan-llyn

2011-03-09T11:59:00.004Z

Ar pozioù-mañ zo bet kaset din gant Janig Bodiou, ha bet savet gant ar studierien a oa en he c'hentel e Glan-llyn.

1.

miz Meurzh 2011

Bag goullo war gorre al lenn
Heol gwan o kuzhat
Rhisiart beuzet.

Dafydd Frayling

2.

Pa oa erc’h war an doenn
Kanioù, plankennoù, orjalennoù distrujet,
Roudoù boc’h-ruz a big al liorzh sioul

Boc’h-ruz

3.

An avel zo kreñv bremaň
Hiziv n’eus ket balan
Paour kaezh den, an den-mañ
N’ emañ ket o chom e ‘Le Mans’

Rhobet

4.

Azezet on war un enezenn
Setu ’vel ’tlefe bezañ ar vuhez
Amzer a-walc’h evit diskuizhañ
War un devenn, war un enezenn.

Madison

5.

Pa zeu brumenn war al lenn
Yen ha teñval eo kambroù
Ti Glan-llyn

Dizanv

6.

Va c’hambr zo hep goulou
Va fenn zo leun-barr komzoù goullo
Penaos e komzer diwar-benn tenvalijenn ar galon?

Hynek Janoušek

7.

Yen eo ar beure-mañ
Brumennek ha dislivet
Brav eo war ar maez.

Yen e oa ma c’hambr,
Tomm e oa va sac’h-kousket
Mat em eus kousket

Philip
8.

Ma vije tost ar menez
Glav ’vije
Ne welan ket anezhañ
Glav zo

Paotr Koad

9.

Me ne gomprenan tamm ebet
Petra a ra tud all
En-dro d’an daol-se

Colin

10.

Pa vez an erc’h o tiskenn
Hag an avel nord o leskiñ
E vez brav an tantad

Dave Hale

11. An dri a viz meurzh* [*devezh ar referendom evit reiñ muioc'h a c'halloud da sened Kembre]

An dud o deus komzet
War-raok e vo kaset
Ar vro a bado da viken

Tecwyn

12.

Pourmen miltirioù
Skignañ follennoù
Kontañ mouezhioù
Un hunvre deuet da vat

Hej-e-lost

13.

Laouen on
Gounezet en deus ‘Ya’
N’eo ‘Nann’

Nona

14.

Lavaret o deus an dud
Nerzh evit Kembre
Nevezamzer a vo.

Godre’r Moelyn (Rory Francis)

Strolladoù kembraek o klask selaouerien e Breizh!

2011-03-08T13:42:00.003Z

http://www.flickr.com/photos/53326223@N00/215836275/sizes/l/in/photostream/

Ur c'hembread, Norman Preis e anv war Flickr, meurig@yahoo.com , gant nebeud mignoned dezhañ, a zo o prientiñ ur veaj evit daou strollad pop kembraek. Div nozvezh a vo tremenet ganto e Breizh, e korn-bro Karaez-Plougêr hag e Roazhon.

Daoust ha den pe zen a vefe dedennet da reiñ tro dezho da seniñ dirak an dud, ur "gig" evel ma vez lavaret e saozneg?

E miz Mezheven eo e vo ar veaj-se, met seul gentoc'h seul welloc'h ma c'haller mont e darempred.... Anvioù ar strolladoù eo Cowbois Rhos Botwnnog, ha Jen Jeniro. Amañ e c'haller gouzout hiroc'h diwar o fenn:

www.myspace.com/cowboisrhosbotwnnog

www.myspace.com/jenjeniro

Pourmenadenn war Llwybr Cynwch, nepell diouzh Dolgellau, Gwynedd - Dibenn-sizhunvezh Kembre-Breizh e Glan-llyn, 2011

2011-03-06T21:52:00.003Z

luc'hskeudennoù all er blog kembraek ha war http://www.flickr.com/photos/bara-koukoug/sets/72157606615541752/with/5503630060/

Brezhoneg en ostaleri ar Plas Coch, y Bala

2011-03-06T21:44:00.004Z

Llydaweg (a Chymraeg) yn nhafarn y Plas Coch, y Bala - cwrs penwythnos Cymdeithas Cymru-Llydaw / Benead, Tanguy, Ronan ha Jacqueline gant ur Gembreadez a zo bet ouzh o skoazellañ gant ar c'hembraeg e Breizh.

luc'hskeudennoù all er blog kembraek ha war http://www.flickr.com/photos/bara-koukoug/sets/72157606615541752/with/5503630060/

Tecwyn Evans - Bez-prezidant a enor Kevredigezh Kembre-Breizh

2011-03-06T21:38:00.003Z

... en ur gentel vrezhoneg e Glan-llyn, d'ar sadorn 5 a viz Meurzh, 2011.

luc'hskeudennoù all er blog kembraek ha war http://www.flickr.com/photos/bara-koukoug/sets/72157606615541752/with/5503630060/

Tanguy, Jacqueline, Benead ha Ronan en ur gentel gembraeg

2011-03-06T21:33:00.004Z

Staj Glan-llyn, d'ar 4-6 a viz Meurzh, 2011 - Kembre

luc'hskeudennoù all er blog kembraek ha war http://www.flickr.com/photos/bara-koukoug/sets/72157606615541752/with/5503630060/

Richard, Annwen, Tudeg ha Riwanon war Llyn Tegid....

2011-03-06T21:26:00.004Z

.. hag an holl stajidi all er c'hentelioù!

luc'hskeudennoù all er blog kembraek ha war http://www.flickr.com/photos/bara-koukoug/sets/72157606615541752/with/5503630060/

Cymdeithas Cymru-Llydaw Kevredigezh Kembre-Breizh, Glan-llyn, Mawrth - miz Meurzh, 2011

2011-03-06T19:26:00.003Z

Un dibenn-sizhunvezh plijus-kenañ hon eus bet e Glan-llyn. Muioc'h a luc'hskeudennoù a vo postet mañ ha war ar blog kembraeg ha war Flickr hepdale.

luc'hskeudennoù all er blog kembraek ha war http://www.flickr.com/photos/bara-koukoug/sets/72157606615541752/with/5503630060/

Komz brezhoneg en Aberystwyth - Siarad Llydaweg yn Aberystwyth

2011-02-24T09:14:00.004Z

The Orangery Pub
Originally uploaded by aberystwyth-online

Er sizhun a zeu en em vodimp evit brezhonegañ d’ar merc’her, 2 a viz Meurzh (2011) ,da 3eur30 d’enderv en Ti-Orañjez (yr Orenfa / Orangery), e ru ar Marc’had, Aberystwyth.

Yr wythnos nesaf, cwrddwn i siarad Llydaweg ar ddydd Mercher, 2 Mawrth (2011), am 3.30pm yn yr Orenfa, Stryd y Farchnad, Aberystwyth.
Luc'hskeudenn / Llun: http://www.flickr.com/photos/aberystwyth-online/2297042338/#

Komz brezhoneg en Aberystwyth

2011-02-11T13:42:00.002Z

Bruderezh e brezhoneg - Hybyseb yn Llydaweg - Iragarkia bretoieraz
Originally uploaded by bara-koukoug

Aon am eus ne vo ket a vBritt da evañ, nag a gKoreff kennebeut, met en em gavout a raimp evit komz brezhoneg, e-tro 4eur, d’ar gwener 17 a viz C’hwevrer en ostaleri ar Vag hag ar C’hastell, evel boaz.

Spi am eus ma teuoc’h niverus - evel er sizhun-mañ.

Komz brezhoneg er Chapter, Kerdiz - Siarad Llydaweg yn y Chapter,Caerdydd (4)

2011-01-16T20:17:00.005Z

Komz brezhoneg er Chapter, Kerdiz - Siarad Llydaweg yn y Chapter, Caerdydd (4)
Originally uploaded by bara-koukoug

Plijadur o deus bet izili eus Kevredigezh Kembre-Breizh o vrezhonegañ e Kreizenn ar Chapter e Treganna, Kerdiz. D'ar sadorn 15 a viz Genver e oamp en em gavet eno, tud a bep live, koulz tud o deus kroget da zeskiñ brezhoneg e 2010, ha re a gomz flour ar yezh. Pevar eus an dud a oa deuet a oa eus Breizh, brezhonegerien a-vihanik daou anezho.

Komz brezhoneg er Chapter, Kerdiz - Siarad Llydaweg yn y Chapter,Caerdydd (5)

2011-01-16T20:17:00.004Z

Komz brezhoneg er Chapter, Kerdiz - Siarad Llydaweg yn y Chapter, Caerdydd (5)
Originally uploaded by bara-koukoug

Tro da vrezhonegañ e Kerdiz

2011-01-05T15:25:00.003Z

Canolfan y Chapter, Treganna, Caerdydd.
Originally uploaded by bara-koukoug

Un emvod a vo dalc'het er Chapter e Kerdiz d'ar Sadorn 15 a viz Genver da 2eur30 goude merenn evit brezhonegañ, hag evit pakañ ur banne asambles, evel-just... Laouen e vimp mar gallit dont...

Cyfle i ymarfer siarad Llydaweg ar 15 Ionawr... os oes gan rywun ddiddordeb...

Herve ar Bihan en Aberystwyth

2010-11-12T10:04:00.005Z

Gwendal Denez ha Herve ar Bihan - y Pier, Aberystwyth - 2008
Originally uploaded by bara-koukoug

Herve ar Bihan, kelenner war ar brezhoneg e Skol-Veur Roazhon 2, a vo en Aberystwyth d’an 23 a viz Du ha prest e vo da gomz e brezhoneg gant ar studierien a zo o teskiñ ar yezh. Gallout a rit sevel goulennoù outañ diwar-benn ar yezh, diwar-benn ar skol-veur e Roazhon, diwar-benn e vuhez hag e labour, diwar-benn Breizh... Gouzout a ra kembraeg ha ne vo ket diaes dezhañ displegañ, ma ne gomprenit tra pe dra.

Seul vuioc’h a dud a c’hall dont, seul welloc’h, neuze pediñ a ran ivez tud all a zo o teskiñ brezhoneg da zont ivez.

An emvod-se a vo d’ar meurzh, 23 a viz Du, da 1eur 10 goude merenn, e Sal ar C’hembraeg.

Herve zo war an tu dehoù el luc'hskeudenn.

Hent-Houarn Eryri a dizh e bal

2010-11-01T13:47:00.007Z

DSC_3299_1
Originally uploaded by chrisparry

A-benn miz Ebrel 2011, evit ar wech kentañ abaoe meur a vloavezh, e vo posubl kemer an tren eus Caernarfon da bPorthmadog, rak klokaet eo bet an 40 km a hent-houarn a liamm an div gêr. E Porthmadog, e c’hallor, goude, kemer an tren bras da vMachynlleth hag Aberystwyth, pe neuze an hini bihan a gas da vBlaenau Ffestiniog. Ur 64 km eo ar veaj eus Caernarfon da vBlaenau Ffestiniog gant an tren.

E Porthmadog e rank an trenioù treuziñ ar straed, evel ma raent 79 a vloavezhioù zo kent serriñ an hent-houarn; un dudi evit an douristed, met n’eo ket pa vo stanket an hent gant kirri o c’hortoz tremen...

‘Ar veaj a gemero un 2 eurvezh evit ar mare, dre ma ranker gortoz ur pennad evit ar c’henlinennoù da chom difiñv en o flas,’ eme Andrew Thomas, a-berzh Rheilffordd Ffestiniog a'r Ucheldir; ‘diwezhatoc’h avat e c’hallo an trenioù ober 40.23 km an eurvezh hag evel-se nemet un eurvezh hanter ne gemero ar veaj.’ Betek miz Ebrel, nemet evit ar re o deus skoazellet el labour adsevel ne vo graet beajoù.

Kroget e oad da adsevel an hent-houarn e penn kentañ ar bloavezhioù 1990 ha koustet eo war-dro 32,300,000 €. Dre yalc’hadoù ha dre arc’hant roet gant an dud eo bet paeet al labour. Ouzhpenn mil a dud o deus labouret a-youl-vat evit adlakaat ar c’henlinennoù.

‘Darn a lavar ez eo en Aberglaslyn emañ ar vro gaerañ, ha hep mar ez eo kalz bravoc’h eget tremen dre an draonienn-se gant ur c’harr,’ eme an aotrou Thomas, ‘ met al lod a blij din a muiañ eo ar veaj war-zu Porthmadog pa weler ar menezioù war dri zu.’

Hervez an embregerezh e tegas ar marc’h-du war-dro 17,300,000 € da ekonomiezh Gwynedd ha derc’hel a ra war-dro 350 a bostoù-labour er c’horn.

http://news.bbc.co.uk/welsh/hi/newsid_9140000/newsid_9141600/9141648.stm

luc'hskeudenn:

http://www.flickr.com/photos/chrisparry/5132895438/in/pool-frwhr#

Skosiz nec’het gant an digresk en arc’hant evit ar skinwel kembraek

2010-10-29T11:04:00.003+01:00

BBC Alba
Originally uploaded by DonaldUist

Angus MacNeil, Kannad Inizi ar C’hornaoueg e Bro-Skos, en deus goulennet digant Sekretour an Aferioù Skosat mirout ouzh an digresk en arc’hant a resev ar BBC chom hep noazañ ar skingaserezh e gouezeleg Bro-Skos.

Angus MacNeil, ezel a-berzh an SNP, en deus lavaret ez eo nec’het ar skosegerien o klevet e vo krennet war zispignoù S4C. ‘Ar gouarnamant skosat zo a-du gant BBC Alba, ar chadenn skinwel skosek, met ret e vefe da c’houarnamant Londrez he skorañ ivez,’ emezañ. ‘Sekretour an Aferioù Skosat a rank difenn BBC Alba, ma ne vo ket graet fae outi evel ma’z eus bet ouzh S4C.’

http://www.golwg360.com/Hafan/cat66/Erthygl_17129.aspx

http://www.flickr.com/photos/donalduist/3413100858/

KENTELIOÙ KEMBRAEG E LANDREGER

2010-10-27T11:06:00.004+01:00

Ti-prenn kozh e Landreger
Originally uploaded by bara-koukoug

Abaoe ouzhpenn 3 bloaz en emvod Breizhiz, c’hoant ganto distripañ un nebeud gerioù kembraeg d’an eil sadorn eus ar miz, etre 2 e ha 4e30, e Landreger.

Ar gentel a zeu a vo dalc’het d’an 13 a viz Du 2010. Mar fell deoc’h gouzout muioc’h, kit e darempred gant Jacqueline Gibson,

llydawes1@yahoo.com

Hag ar c'hembraeg eo yezh ar yaouankiz?

2010-10-26T17:06:00.003+01:00

Tudalen Cyfieithu Facebook i'r Gymraeg / Facebook into Welsh translation page
Originally uploaded by Ben Bore (Rhys)

Enklaskoù bet kevrediet gant BBC Cymru o deus diskouezet ez eus tu da vezañ chalet gant an implij a vez graet eus ar c’hembraeg gant ar gembraegerien yaouank, rak war a hañval ez eus ur rummad o sevel na implij ket gwall alies ar c’hembraeg.

Savet e oa bet goulennoù ouzh ur mil a skolidi etre 14 vloaz ha 15 vloaz e 10 skol ma vez kelennet e kembraeg, e pep korn eus ar vro, evit un abadenn anvet “The Welsh Knot”. 76% eus ar skolidi a lavare ec’h implijent ‘a-wechoù hepken’ o c’hembraeg pe neuze ne veze implijet tamm ebet ganto. 24% a lavare e veze komzet kembraeg ganto pe peurvuiañ pe a-hed ar wech.

E kreñvlec’hioù ar c’hembraeg e responte 85% eus ar yaouankiz ec’h implijent ar c’hembraeg pe peurliesañ pe a-hed ar wech, padal e lec’h all nemet un tammig ouzhpenn 10% ne lavare se.

War an holl e oa a-du ar yaouankiz gant ar yezh, rak 8 diwar 10 a gave dezho e oa pe pouezus pe pouezus-tre o doa choazet o zud o c’has d’ur skol gembraek. Ur wech kuitaet ar skol avat e kave gwell ar braz anezho implijout ar saozneg war Facebook ha sazoneg c’hoazh e oa yezh o c’hemennadurioù SMS hag o darempredoù all gant o mignoned. E kreñvlec’hioù ar yezh e kave gwelloc’h ar yaouankiz implijout ar c’hembraeg met eno ivez e vezed techet alies da zibab ar saozneg.

Dre Gembre a-bezh e lavare 8 diwar 10 ec’h implijent ar saozneg peurvuiañ evit o c’hemennadurioù SMS. 9 diwar 10 a implije ar saozneg peurvuiañ evit skrivañ war Facebook.

http://news.bbc.co.uk/welsh/hi/newsid_9120000/newsid_9120600/9120641.stm

http://www.flickr.com/photos/benbore/3281495759/

Ur c'hemm bras evit ar skinwel kembraek

2010-10-21T14:54:00.002+01:00

Gouarnamant Breizh-Veur a glask krennañ war e zispignoù hag a-benn ober se en deus disklêriet ar c’hañseller George Osborne e vo kemmet an doare da gas en-dro S4C, ar chadenn skinwel gembraek. Kentoc’h eget resev hec’h arc’hant digant ar gouarnamant e Londrez e teuio ar BBC da vezañ kiriek, pe damgiriek da nebeutañ, eus ar chadenn-se. War-dro £100 milion ar bloavezh a vez roet d’ar chadenn d’an ampoent met disgresket e vo ar skodenn-se dre 25% a-benn 2015. Dre an aotre-skinwel eo e vez kellidet ar BBC, ha n’eo ket gant ar gouarnamant.

John Walter Jones, kadoriad Aotrouniezh S4C, a gav dezhañ e c’haller lavaret ez eo bet kenstrollet S4C gant ar BBC, pe dost, met hervez ar gouarnamant e Londrez ne oa netra all d’ober pa rank an holl gouzout ez eus toulloù bras e kef ar vro.

Hervez an aotrou Mr Jones ne oa bet lavaret netra en a-raok da S4C diwar-benn ar pezh a oa war ar stern kenetre ar BBC ha Jeremy Hunt, Sekretour ar Sevenadur evit Breizh-Veur. Dre ma vo S4C o kenstrivañ gant holl servijoù all ar BBC ez eus tu da grediñ e c’hallfe ar c’hemm-mañ lakaat dazont ar chadenn en arvar. ‘Estonet on gant an dismegañs en deus bet ar gouarnamant e Londrez n’eo ket ouzh S4C hepken met ouzh Kembreiz hag ouzh ar c’hembraeg,’ eme an aotrou Jones.

En ur postel da c’hopridi ar BBC en deus meneget Mark Thompson, ar rener, skouer ha penaennoù ar chadenn skosek BBC Alba.

Mar bije lakaet da heul ar skouer-se, ne vefe ket ken a vruderezh war ar chadenn ha marteze, evel-se, e teufe da vezañ ur chadenn gembraek da vat!

S4C en deus divizet pelloc'h daeañ diviz ar gouarnamant el lez-varn.

http://news.bbc.co.uk/welsh/hi/newsid_9100000/newsid_9108300/9108310.stm

DIBENN-SIZHUNVEZH E GLAN-LLYN, MIZ MEURZH 2011 - GOULENNIT PLAS BREMAÑ!

2010-10-19T11:26:00.003+01:00

Dibenn-sizhunvezh evit deskiñ ha studiañ brezhoneg / Penwythnos i ddysgu ac i astudio Llydaweg - Glan-llyn 11-10-09
Originally uploaded by bara-koukoug

Un dibenn-sizhunvezh e brezhoneg,
adalek ar gwener, 4 a viz Meurzh, betek ar sul, 6 a viz Meurzh, 2011,
e Kamp an Urzh e Glan-llyn

Ur staj evit kaout tro pe da zeskiñ pe da gomz brezhoneg. Degemer mat d’an holl.

£107 pep hini = boued ha lojeiz hag oberiantizoù + £28 = ar c’hentelioù (meur a live, hervez ar goulenn), met £22 hepken evit izili eus ar gevredigezh hag evit studierien amzer leun [bezañ ezel £8]: neuze £135 pe £129... marc’hadmatoc’h eget e 2009!

Evit bezañ sur da gaout plas e rank Glan-llyn gouzout pet omp bremañ, rak mar chom plasoù goullo e vint kinniget da gevredigezhioù ha da aozadurioù all.

A-benn gouzout
se e c’houlennomp diganeoc’h kas ur chekenn evit £25 war anv Cymdeithas Cymru-Llydaw d’hon teñzorier (Niclas ap Glyn, 90 Plassey Steet, Penarth, Bro Morgannwg CF64 1EN) a-benn ar 26 a viz Du, 2010.
Miret e vo ur plas evidoc’h neuze.

Kasit ur postel din rhh@aber.ac.uk ivez ma c’hallan sevel roll an anvioù.

Chaoser ebet, kreizennoù nukleel hepken

2010-10-18T13:19:00.001+01:00

http://www.flickr.com/photos/oxfordshirechurches/5028667815/ - pep gwir miret strizh

Peter Hain, a-berzh ar Strollad Labour, en deus lavaret ez eo drastus an diviz da chom hep reiñ ar £30 miliard ez eus ezhomm evit sevel ur pezh chaoser a-dreuz aber ar stêr Hafren (Severn) etre Kerdiz ha Weston-super-Mare, e Somerset e Bro-Saoz (Gwlad yr Haf e kembraeg), a-benn kenderc’hiñ tredan. O respont e oa Hain da zisklêriadur Chris Hulme, Sekretour an Energiezh evit Breizh-Veur, e vo dizlezet raktres ar chaoser dre ma koustfe re d’ur mare ma ranker krennañ war an dispignoù.

Anat eo e vije bet krouet kantadoù a bostoù-labour ma vije bet savet ar chaoser ha ken anat all eo e vije bet un doare adnevezus ha naet da broduiñ tredan. Daoust da se ez eo laouen ar strollad glas Cyfeillion y Ddaear (Mignoned an Douar) gant an diviz nevez. ‘Re e vije koustet koulz a-fed an endro evel a-fed an arc’hant,’ eme c’hGordon James a-berzh ar strollad-se. Gwall nec’het e oad gant efed ar chaoser war buhez an aber, ha dreist-holl war an hirc’hareged a ya di da glask o boued.

Hag evit kaout tredan en dazont? Eizh kreizenn nukleel nevez a vo savet e Breizh-Veur ha gortoz a reer e vo prest an hini gentañ a-benn 2018.

Komz brezhoneg en Aberystwyth

2010-10-18T12:17:00.000+01:00

En em vodañ a raimp c'hoazh er sizhun-mañ DIRIAOU en ostaleri ar Ship and Castle (e korn Stryd yr Efail hag y Stryd Uchel), e-tro 15eur30. Spi am eus ma c’halloc’h dont. Ma n’eo ket mat an eur e vo klasket unan all a-benn ar wech goude.

Amser y cyfarfod nesaf i sgwrsio yn Llydaweg - 21 Hydref am 3.30p, yn y Llong a'r Castell

Arc’hant S4C da vezañ digresket c’hoazh

2010-07-24T15:41:00.000+01:00

Hervez ur pennad er Western Mail hiziv e c’hall bezañ un digresk bras en £10 milion a resev ar chadenn skinwel gembraek digant ar gouarnamant e Londrez. Ar re a labour gant ar skinwel a lavar e c’hallfe bezañ drastus an efed war tud a bep seurt a zo o fost-labour diouzh ar greanterezh-se. Er bloaz-mañ ez eus bet digresket ar skoazell-arc’hant dre £2 vilion ha ret e vo gortoz betek miz Here evit klevet diviz ar gouarnamant. Hervez tud zo e c’hallfe bezañ digresket dre gement ha 24% a-benn pevar bloaz.

http://www.walesonline.co.uk/news/wales-news/2010/07/24/s4c-cuts-could-hit-all-of-welsh-tv-industry-91466-26920637/

Serriñ ur skol vihan all

2010-07-16T11:25:00.000+01:00

Serret eo bet unan eus bihanañ skolioù kontelezh Dinbych goude ouzhpenn 150 vloavezh.
Nemet 10 a skolidi ne oa e skol Llantysilio e kontelezh Dinbych hag int prest da vont d’ar skolaj a-benn miz Gwengolo. Dre ma n’eus ket muioc’h a vugale o tont d’ar bourk da chom ez eo bet divizet serriñ ar skol. Ur skeudenn eo eus stad an traoù war ar maez e Kembre.

http://news.bbc.co.uk/welsh/hi/newsid_8820000/newsid_8825700/8825770.stm

Ar strollad politikel Llais Gwynedd, krouet a-benn stourm da zerc’hel digor ar skolioù bihan a fell da bPlaid Cymru o serriñ, a-benn espern arc’hant, en deus graet berzh e kornôg ar vro hag unan eus o c’huzulierien a zo o paouez bezañ addilennet e Blaenau Ffestiniog, tapet gantañ 185 a vouezhioù e-keñver ar 181 a vouezhioù gant Plaid Cymru.

http://news.bbc.co.uk/welsh/hi/newsid_8820000/newsid_8827100/8827172.stm

Aet an trec'h gant ar broc'hed... evit ar mare

2010-07-14T12:14:00.002+01:00

Protest o blaid moch daear tu fas i Swyddfa Plaid Cymru, Aberystwyth
Originally uploaded by Dogfael

Nac’het eo bet gwir gouarnamant ar Vodadeg (Labour ha Plaid Cymru) da lazhañ ar broc’hed e Kembre. Mennet eo bet ar gouarnamant, ha dreist-holl Elin Jones, Ministr Aferioù ar Maezioù, da lazhañ broc’hed ar vro, en ur gregiñ er mervent m’emañ ledetañ an dorzhellegezh er saout.

Ar re zo bet o stourm evit herzel ouzh al lazhadeg a zo en o bleud gant diviz al lez-varn. ‘N’eus ket liammoù a-walc’h etre ar broc’hed hag an dorzhellegezh er saout ma vefe reizh distrujañ kement a vroc’hed,’ eme Huw Roberts a-berzh Strollad Broc’hed Clwyd (e biz ar vro). Diouzh an tu all ez eo kerseet ha fuloret al labourerien-douar, hag int nec’het-bras dre ma vez ret distrujañ tropelladoù saout niverus en abeg d’ar c’hleñved.

‘Dipitet on gant barnadenn al lez-varn,’ eme Elin Jones, ‘dreist-holl dre ma’z eus bet anavezet ez eo gwall fall efed an dorzhellegezh er saout amañ e Kembre hag ez eus ezhomm da gavout un disoc’h da gudenn ar c’hleñved. Dav eo deomp sellet pizh ouzh ar varnadenn a-benn divizout petra a c’hallomp ober bremañ.’

Er penn kentañ e felle da c’houarnamant Kembre lazhañ betek 1,500 a vroc’hed. Gant ar varnadenn-mañ ez eus bet lakaet termen war ar raktres, evit ar mare da nebeutañ, ha lakaet eo bet en arvar raktresoù ar gouarnamant (Mirourien ha Demokrated Frankizour) da raktresañ ul lazhadeg heñvel e Bro-Saoz.

E mervent ar vro, e Sir Benfro (Pembrokeshire) da skouer, ez eo bet disrannet ar gevredigezh gant politikerezh gouarnamant Kembre a-fed ar broc’hed. Ken sur ha ken taer, an eil re evel egile, eo ar stourmerien war an daou du.

http://news.bbc.co.uk/welsh/hi/newsid_8810000/newsid_8818100/8818110.stm

Luc'hskeudenn: Ur vanifestadeg a-enep lazhadeg ar broc'hed dirak burev Plaid Cymru en Aberystwyth

Tud bro Harlech a c’hallo neuial c’hoazh

2010-07-09T10:07:00.001+01:00

Apr 19
Originally uploaded by alanfrombangor

War ziskar ez a ar servijoù e Kembre evel e pep lec’h e Breizh-Veur ha daoust ma klasker bremañ lakaat bec’h war ar Virourien hag an Demokrated Frankizour evit pep gwall, ne oa ket brav stad an traoù memes a-raok na oant-i bet dilennet. Divizet en doa Kuzul Kontelezh Gwynedd, da skouer, serriñ poull-neuial Harlech e 2007.

Bremañ, a drugarez da strivoù un aozadur lec’hel, anvet Hamdden Harlech ac Ardudwy, ez eus bet roet £800,000 gant Lotiri Breizh-Veur evit ma vo sur dazont ar poull.

Renet e vo hiviziken gant Hamdden Harlech ac Ardudwy, kentoc’h eget gant ar gontelezh.

http://news.bbc.co.uk/welsh/hi/newsid_8800000/newsid_8802100/8802176.stm

Nebeutoc'h a skolioù-meur evit Kembre?

2010-06-30T10:43:00.001+01:00

Hyder trwy Addysg - arbais newydd Prifysgol Glyndŵr, Wrecsam
Originally uploaded by bara-koukoug

Hervez Leighton Andrews, Ministr an Deskadurezh e Kembre, ez eus amañ re a skolioù-meur bihan evit bezañ efedus, evit kenstrivañ gant ar re e lec’h all, hag evit bezañ anavezet evel re eus ul live etrebroadel.

Anat eo emeur o prientiñ da lakaat ar skolioù-meur bihan da unaniñ gant re vrasoc’h.

C’hoazh ez eus bet unanet Skol-Veur Llanbedr ha hini gCaerfyrddin hag emichañs e vo pouezet war Skol-Veur Glyndŵr, e Wrecsam (Wrexham), hini gCasnewydd (Newport) ha Skol-Veur Kêr Abertawe (Swansea) da heuliañ un hent heñvel.

http://news.bbc.co.uk/welsh/hi/newsid_8770000/newsid_8774100/8774156.stm

Echu gant yalc’hadoù-arc’hant zo evit an arzoù

2010-06-29T13:52:00.000+01:00

Gant Kuzul Arzoù Kembre ez eus bet embannet e vo roet nebeutoc’h a arc’hant er bloaz a zeu.

Warlene e oa bet roet £24 milion da 97 a ensavadurioù. Bihan eo kalz eus an ensavadurioù-se, met an Opera Broadel, an hini brasañ, en deus bet £4.5 milion.

E-touez an ensavadurioù na vo ket roet arc’hant dezho goude 2011 emañ Gouel al Lennegezh hag an Arzoù er Gelli (Hay), Eisteddfod Etrebroadel ar Sonerezh e Llangollen, Teatr Harlech, Teatr Powys ha Teatr Tinell y Rhyl, Gouel Sonerezh Abergwaun (Fishguard), Sal ar Vengleuzerien-C’hlaou en Ystradgynlais hag Y Stiwt e Rhosllannerchrugog.

http://news.bbc.co.uk/welsh/hi/newsid_8770000/newsid_8771000/8771002.stm

Komz brezhoneg en Aberystwyth

2010-06-08T15:32:00.006+01:00

Un emgav

digor d'an holl

- evit brezhonegañ -

Ostaleri ar Vag hag ar C'hastell (Ship & Castle)

Aberystwyth

d'ar meurzh 15 a viz Mezheven

da 3eur45 d'enderv

Kambr da feurmiñ en un ti brav e Kembre

2010-06-01T14:04:00.000+01:00

Ha plijout a rafe deoc’h tremen an hañv e Kembre ha kaout tro da zeskiñ un tamm muioc’h a gembraeg?

Ha plijout a rafe deoc’h ober anaoudegzh gant Merthyr Tudful, nepell diouzh Kerdiz, kêrbenn Kembre, gant he c’hoarivaoù, he mirdioù hag he buhez noz?

An ti e-kreiz Merthyr Tudful hag ennañ ez eus kembraegerien o chom hag unan anezho en deus desket un tamm mat a vrezhoneg hag a vefe laouen da vrezhonegañ.

£240 ar mizvezh eo ar priz (tredan hag ar servijoù all e-barzh).

Ma’z oc’h dedennet, kasit ur postel da jamie@merthyrtudful.com

Nebeutoc'h a arc'hant evit ar skinwel kembraek

2010-05-29T21:15:00.001+01:00

S4C, ar chadenn skinwel gembraek, en devo £2 vilion nebeutoc’h a skoazell arc’hant digant ar gouarnamant er bloaz-mañ. Klask a ra ar gouarnamant nevez e Londrez krennañ war zispignoù a bep seurt, ha den n’eo souezhet gant ar c’heloù-mañ. (Roet e vo £27 milion nebeutoc’h, da skouer, d’an aotrouniezh karget da ginnig ar C’hoarioù Olimpek.)

Plaid Cymru hag ar Strollad Labour o deus kavet abeg en diviz hag a damall d’ar Virourien ha d’an Demokrated Frankizour “daeañ” ar c’hembraeg hag ober droug da armerzh ar vro. Anat eo ez eus lec’h da vezañ nec’het gant an digresk ha gallout a rafe kaout efed, emezer, war kalite an abadennoù kembraek.

http://news.bbc.co.uk/welsh/hi/newsid_8700000/newsid_8702000/8702017.stm

Marv Iwan Llwyd

2010-05-29T16:15:00.001+01:00

The Baards
Originally uploaded by ursamajor5

Unan eus pennañ barzhed ar c’hembraeg, Iwan Llwyd, zo bet kavet marv e Bangor, ma oa o chom.

Gant Iwan Llwyd, a oa 52 vloaz, e voe gounezet Kurunenn an Eisteddfod Vraodel e 1990 evit e zastumad barzhonegoù “Gwreichion” (Fulennoù) . Er bloaz-mañ e oa da vezañ unan eus barnerien kenstrivadeg ar Gurunenn en Eisteddfod Vroadel e Glyn Ebwy, Gwent. Ouzhpenn bezañ anavezet evel barzh e oa ezel eus ar strollad pop Geraint Lövgreen a'r Enw Da hag eus ar strollad Steve Eaves a'i Driawd, ma sone gitar.

Genidik e oa Iwan Llwyd eus Carno e Powys, nepell eus Y Drenewydd (Newtown).

http://news.bbc.co.uk/welsh/hi/newsid_8710000/newsid_8712000/8712018.stm

Ar banniel glas roet da 45 a draezhennoù

2010-05-12T13:28:00.002+01:00

Sbwriel - Traeth Pentywyn
Originally uploaded by bara-koukoug

Muioc’h a draezhennoù e Kembre eget biskoazh zo bet enoret gant ar Banniel Glas. Er bloaz-mañ eo bet roet ar priz-se da 45 traezhenn (13 e Sir Benfro / Pembrokeshire, 8 e Gwynedd, ha 7 war Enez-Von) ha da 5 marina.

Roet e vez ar Banniel Glas goude ensellet 1. live an dour mor, 2. an doare ma vez graet war-dro al lastez ha ag al loustoni, 3. live ar servjoù ha 4. live ar surentez.

Mar bezit e soñj dont da Gembre da dremen vakañsoù en hañv-mañ, marteze e talvezfe ar boan deoc’h sellet ouzh roll an traezhennoù a-raok divizout pelec’h mont. Ret eo gouzout, koulskoude, an draezhenn a oa naet warlene marteze ne vo ket er bloaz-mañ!

http://news.bbc.co.uk/1/hi/wales/south_west/8672318.stm

http://news.bbc.co.uk/welsh/hi/newsid_8670000/newsid_8674200/8674219.stm

Ar Rouanez oc’h enoriñ ar Bennrenerez

2010-05-08T19:41:00.002+01:00

Klemmet e vez aliezig ez eus ur spered saoz gant Radio Cymru. Mar fell deoc’h gouzout hiroc’h e kavoc’h war an Dremmlevr (Facebook) ur strollad, 144 a izili ennañ, “Seisnigrwydd Radio Cymru'n codi gwrychyn!” (Spered Saoz Radio Cymru hol laka da fuloriñ!) http://www.facebook.com/group.php?gid=197691130061

Marteze ne vo souezhet den gant ar c’heloù ez eo bet Menna Richards, pennrenerez BBC Cymru, e Kastell Windsor, nevez zo, o resev an OBE (Urzh Impalaerezh Breizh-Veur) digant Rouanez Bro-Saoz.

An itron Richards a oa renerez BBC Cymru e-pad 9 bloaz a-raok bezañ anvet pennrenerez e miz Ebrel 2009. O labourat eo bet gant ar skingaserezh e-pad 30 vloaz, ha hi an hini eo a zo kiriek eus holl servijoù kembraek ha saoznek ar BBC e Kembre, er skingomz, er skinwel hag enlinenn.

http://news.bbc.co.uk/welsh/hi/newsid_8660000/newsid_8669100/8669149.stm

Ar gwenn-ha-du dispaket en avel Gembre

2010-05-07T23:03:00.001+01:00

Ar gwenn-ha-du dispaket en avel Gembre
Originally uploaded by bara-koukoug

Bannieloù zo hed-ha-hed bali ar mor en Aberystwyth, e-kreiz bannieloù broioù bihan hag er penn pellañ bannieloù broioù bras.

Politikerezh Kembre, Bro-Skos ha Kernev-Veur da heul an dilennadeg lezennat - 2010

2010-05-07T10:09:00.005+01:00

Echu eo an Dilennadeg Lezennat e Breizh-Veur met chom a ra amsklaer peseurt gouarnamant a reno e Londrez. E Kembre hag e Bro-Skos n’eus ket bet kalz a gemmoù bras. Plaid Cymru n’eo ket deuet a-benn da c’hounit na Ceredigion, a zo chomet gant an Demokrated-Frankizour, nag Enez-Von, a zo chomet gant ar Strollad Labour. Miret o deus broadelourien Kembre an teir fastell-vro a zalc’hent en a-raok avat, d.l.e. Arfon (ma oa bet kemmet ar bevennoù), Dwyfor-Meirionnydd ha Reter Caerfyrddin ha Dinefwr.

Dre Vreizh-Veur a-bezh, an Demokrated-Frankizour n’o deus ket gounezet kement a dachenn evel ma oa bet diouganet e rafent, hag o gwashañ koll a oa amañ e Kembre, ma’z eo bet skarzhet Lembik Opik o c’hannad e Maldwyn (lod eus Powys). Eno e oa aet ar maout gant ar Virourien. Kembraeger eo ar c’hannad nevez evel ma’z eo Guto Bebb, ar Mirour aet an trec’h gantañ en Aberconwy. En hanternoz Kerdiz eo deuet ar Virourien a-benn da c’hounit ar bastell-vro digant Julie Morgan eus ar Strollad Labour, gwreg da Rhodri Morgan, a oa kentañ Ministr Kembre n’eus ket keit-se zo. Eno avat, ur muiañniver a 195 a vouezhioù hepken zo gant Jonathon Evans eus Strollad ar Virourien!

E Kernev-Veur emeur o c’hortoz c’hoazh disoc’hoù pastell-vro Porthia (St.Ives). A-hend-all ez eo bet gounezet div bastell-vro, d.l.e. 1. Hanternoz Kernev-Veur ha 2. Sen Ostell (St Austell) ha Tewynplustri (Newquay), gant an Demokrated-Frankizour, ha teir fastell-vro all gant ar Virourien.

E Bro-Skos, evit a sell niver ar gannaded gant pep strollad, n’eus kemm ebet. Labour n’eo ket aet war-gil eno, ha chom a ra 41 a gannaded Labour evel ma oa e 2005. Gant an Demokrated-Frankizour ez eus 10 (ha spi ganto da zerc’hel unan all), gant an SNP 6, evel ma oa a-raok, ha gant ar Virourien 1, c’hoazh hep kemm ebet.

Ar Re C’hlas a chom dister er broioù Keltiek en tu-mañ da Vor Breizh, met e Bro-Saoz eo deuet a-benn da c’hounit, evit ar wech kentañ en un dilennadeg lezennat, e kêr Brighton e kreisteiz Bro-Saoz.

http://news.bbc.co.uk/welsh/hi/newsid_8660000/newsid_8666500/8666591.stm

http://www.falmouthpacket.co.uk/news/fpfalmouth/8153246.Cornwall_election_results_all_in_except_one/
http://news.bbc.co.uk/1/hi/scotland/scotland_politics/default.stm

http://news.bbc.co.uk/1/shared/bsp/hi/elections/euro/09/html/ukregion_10 .stm

luc'hskeudenn:

http://www.bbc.co.uk/radiocymru/safle/rhaglenni/pages/etholiad_2010.shtml

Un Afer a Yec'hed

2010-05-04T09:41:00.002+01:00

Jacqueline Gibson, skrivagnerez vrezhonek, en he burev e Landreger, 2006
Originally uploaded by bara-koukoug

(Pennad gant Jacqueline Gibson, bet embannet da gentañ er gelaouenn Breizh / Llydaw
Niverenn 52 – miz C’hwevrer 2010)

Me n’on ket unan eus an dud hag a ya da welet ar mezeg bewech ma’z eus un dra bennak a-dreuz gantañ. Pa oan bihan e oa ar mezeg un den hag a rae aon din. Ma mamm, e-lec’h ober war ma zro, a zileze ac’hanon, a beurnaetae an ti, a renke diabarzh an armelioù zoken, bep tro ma veze o c’hortoz ar c’hrak-aotrou-se da zont en ti. Ya, d’ar mare-se e teue c’hoazh ar mezeg da di e bratikoù. Ha pa’n em gave e fin an abardaez, e oa evit skeiñ ouzh ma bruched gant e vizied krommet divalav, hag evit lezel war e lerc’h un ordrenañs evit pikurennoù, aozadennoù, palastroù sezv, boutailhadoù eoul moru ha me oar-me. Displijus e oa, ken e oa.

Pebezh kemm bras neuze pa oan aet da Vreizh-Veur da chom! E div vunutenn hag hep sellet ouzhin, koulz lavaret, e oa gouest ma mezegez da lâret din ne oa netra a-dreuz ganin na kavje un diskoulm, hep louzoù ebet, hag e berr amzer. Disoñjet an ordrenañsoù hir-meurbet, ar gweladennoù evit klevet soñj mezeien, arbennigourien anezho. Trawalc’h e oa kenderc’hel da strevial, da basaat ha da vont abred da’m gwele. Goude bezañ graet seurt amprou eus ar vedisined en daou du eus Mor Breizh avat ez eus savet ennon disfiz en o c’heñver. Mat eo gouzout ez eus anezho, met gwelloc’h c’hoazh chom hep daremprediñ anezho, pa c’haller.

Teir sizhun zo, pa oan oc’h ober ma frenadennoù dindan glav munut Bro-Dreger, em boa risklet war unan eus plakennoù houarn ar servij dour, ha setu me em c’hoazez warni en ur goublañ ma daouarn en-dro da’m glin kleiz. Ar boan a oa ken spontus ken e stardis ma javedoù hag e serris ma daoulagad a-benn chom hep krial forzh ha gouelañ dourek. Hag an dreminidi a yae hebioù, hep teurel nemeur a evezh ouzhin, rak kouezhet e oan e-kichen porched an Iliz-Veur, ma en em vod an dud hep na ti na loj.

Ne c’hallen ket chom azezet evel-se war ar blasenn, dindan ar glav ha dindan selloù digas Landregeriz. Ha me, tuchantik, ha klask sevel em sav. Poan am boa, a dra sur, met gouest e oan da jilgammañ en-dro d’ar gêr. Netra ne oa torret neuze. Ur bolod aspirin pe zaou, ur vandenn lakaet tro-dro da’m glin, ur banne gwin da reiñ kalon din, ha setu me louzaouet a-zoare.

Un nebeud merc’hed eus ar vro, ha me en o zouez, zo boas d’en em vodañ ur wech ar sizhun en ur c’hafedi. O welet ac’hanon o tont kamm-digamm d’hon lec’h emvod, o doa goulennet ouzhin petra a oa kaoz, hag evel-just on bet aliet ganto da vont da gaout ar mezeg. Ma’z ajen avat, e ouien e vijen rediet da vont da ospital Lannuon da ober ur radio, ha ne’m boa tamm c’hoant ebet da ober se, rak ur wech degouezhet e c’hallje bezañ ret tremen meur a eurvezh eno.

Daoust da’m disfiz e-keñver ar vezeien, em eus lakaet ma anv war roll unan anezho e Breizh ha, kaeroc’h zo, on bet o welet ar vezegez-se peder gwech. Ar wech kentañ, daoust ma ne felle din ober netra muioc’h eget enrollañ, he doa graet pep tra hervez kustum ar vro-mañ: va lakaat da ober un dielfennadur don eus ma gwad – ouzhpenn £90 en doa koustet din – ha, n’eus netra gwashoc’h evit ur plac’h kuilh eveldon, goulennet he doa diganin mont war ar balañsoù pa oan em noazh-ran.

Pa’m boa bet disoc’hoù an dielfennadur gwad ez is adarre d’ar greizenn yec’hed a-benn klevet c’hoazh ar pezh a ouien: re uhel e oa feur ar c’holesterol hag hini ar gwask gwad. Ma kollfen pouezioù avat, e lavaras din ma mezegez, ne vefe plac’h yac’husoc’h egedon war an douar.

Klasket em eus. Aet on da redek bep mintin da c’houloù-deiz e-pad daou viz, a-raok mont d’he gwelet adarre. Ma! Kollet em boa daou gilo o vevañ diwar legumaj poazhet ha frouezh fresk. Ha plijet e oa ma mezegez? Tamm ebet. Normal e oa eviti. Ha daou viz goude, siwazh din, em boa adkemeret ur c’hilo. Hag hi da lavarout ne oa ket trawalc’h redek bemdez e-pad ur c’hard eur, ret e oa din ouzhpennañ div vunutenn bemdez.

Ha setu penaos e choman bremañ d’ober teil tomm, e-lec’h mont da redek beure-mat dre straedoù Landreger. Ha gant an hañv hag e varead tud varnaoniek, a zo ken stank en hon zi hag ar bezhin glas war draezhenn Plistin, em eus ankounac’haet ma zinell dreut. N’on ket mui evit mont da welet ma mezegez, koulz lavarout, ha pa dapfen grip ar moc’h zoken – ar grip H1N1 a ra ar bolitikourien anezhañ amañ, pa’z eo ret chom hep mirout ouzh an dud a zebriñ kig-moc’h, marc’hadourezh hag a zegas pinvidigezh d’ar vro - ha saotridigezh
ouzhpenn.

Ha ma mignonezed d’ober goap ouzhin pa welent ac’hanon o tont er c’hafedi en ur jilgammat miz goude ma gwallzarvoud. Ar gwir a chom ganin avat. Ne’m boa ket ezhomm eus alioù ma mezegez: gouest on bremañ da sevel gant ar skalieroù evel an dud all, ha n’eo ket mui pazenn-ha-pazenn, daoust ma chom reut ma c’har gleiz. Un dizoloadenn a bouez am eus graet ivez : skeiñ a ra hon daoulin meur a wech bemdez, ouzh dorioù, ouzh bankoù hag ouzh kadorioù, hep gouzout deomp. Pa vo un dra bennak a-dreuz gant ho taoulin, e viot-c’hwi gouest da gadarnaat an evezhiadenn-se.

Un ali diwezhañ: arabat deoc’h ober ar pezh am eus-me graet, d.l.e. risklañ war penn ar vandenn a zo sañset bezañ paket start tro-dro d’ar glin, anez e vo gloazet ar glin all ivez.

Pe zazont evit Coleg Harlech?

2010-04-30T23:40:00.004+01:00

Harlech, Ardudwy, Meirionnydd, Gwynedd - 1977
Originally uploaded by bara-koukoug

Ur sindikad kelennerien a’n em c’houlenn daoust ha peseurt dazont zo evit Coleg Harlech, e Gwynedd. Nec’het eur dre m’en deus nac’het gouarnamant ar Vodadeg Vroadel reiñ arc’hant a-benn sevel un ti nevez evit lojañ ar studierien eno.

E 2012 e vo diskaret an tour ma vez lojet ar ar studieien en Harlech, met hep un ti nevez da gemer e lec’h e vo dibosupl, pe dost, da genderc’hel da gelenn en doare m’en deus graet betek-henn.

(Al luc'hskeudenn-mañ a voe tennet e 1977 diwar lein an tour a zo da vezañ diskaret.)

Krouet e voe Coleg Harlech e 1927, ha kinnig a ra stajoù hir, ha re verr, gant ar pal a reiñ un eil tro d’ar re n’o deus ket graet berzh er skol met a fell dezho mont pelloc’h gant o deskadurezh ha marteze mont goude d’ur skol-veur. Un hanterenn eus ar studierien e Coleg Harlech avat, a zo eus Bro-Saoz, ha ne wel ket ar gouarnamant amañ e vefe un imlij mat eus e arc’hant skorañ an deskadurezh evit tud eus lec’h all, pa c’hallent-i mont da skolioù heñvel e Bro-Saoz.

Hep mar ebet e c’hallfe ar c’hemmoù a zo war an dremmwel en Harlech bezañ kriz evit armerzh ar c’horn, rak gopret e vez 58 a dud gant ar c’h-Coleg.

http://news.bbc.co.uk/welsh/hi/newsid_8650000/newsid_8651700/8651725.stm

Ar c’hembraeg a goustfe re ger

2010-04-29T12:25:00.002+01:00

Cacwch Allan
Originally uploaded by nicdafis

Krediñ a reer e lavaro Scottish Power, unan eus brasañ embregerzhioù energiezh Breizh-Veur, e c’hallfe koustañ £1.5 milion evit heuliañ al lezenn nevez a zo bet raktreset evit ar c’hembraeg, ha £500,000 ar bloavezh ouzhpenn. Lavaret a raio an embregerezh-se e varn ouzh ur poellgor a zo bet anvet da ensellet an danvez-lezenn.

Hervez ar raktres e vefe anvet ur c’homisioner gantañ ar gwir da reiñ telloù-kastiz da’n embregerezhioù foran na servijfent ket o c’hlianted e kembraeg en doare reizh. Pa vefe anvet ar c’homisioner e vefe lakaet termen war Kuzul ar C’hembraeg.

Evel ma tiskouez al luc'hskeudenn-mañ, n'eo ket implijout ar c'hembraeg hepken a sav kudennoù, met e reizhskrivañ ivez. "Cadwch allan" = Chomit er-maez "Cacwch" = Grit kaka

Ar c'heloù:

http://news.bbc.co.uk/welsh/hi/newsid_8650000/newsid_8650400/8650436.stm

Prezegenn Yann Talbot diwar-benn "An Diaoul hag ar Sorserien / Sorserezed e Breizh" - Aberystwyth, d'ar 27 a viz Ebrel, 2010

2010-04-28T21:20:00.006+01:00

Selaou Yann Talbot o komz diwar-benn 'An Diaoul hag ar Sorserien Sorserezed e Breizh' - Aberystwyth, d'ar 27 a viz Ebrel, 2010
Originally uploaded by bara-koukoug

D’ar meurzh 27 a viz Ebrel hon eus bet tro en Aberystwyth da selaou Yann Talbot o komz diwar-benn ‘An Diaoul, ar Sorserien hag ar Sorserezed e Breizh’.

Diaes e c’hall bezañ sachañ tud da zont da selaou prezegennoù diouzh an abardaez, dre ma vez skuizh lod ha tud all o labourat, o kelenn er c’hentelioù noz da skouer. Brezhonegerien all zo, o chom pellik diouzh kêr, na c’hallont ket distreiñ ur wech distroet da’ar gêr. Dek den a oa deuet da selaou ar brezegenn koulskoude: Nona Evans, David Greaney, Gemma Dann, Jonathon Perry, Matthew Spikes, Rhisiart Hincks, Robin Spey (deuet a-ratozh eus Tanygrisiau en hanternoz), Peggy Le Bihan (a zistroio da Vreizh er sizhun-mañ), Sioned Hughes ha Kevin Price. (War-bouez Nona, hini ebet bet desket ar c’hembraeg gantañ na ganti er gêr!)

Komzet en deus Yann diwar-benn meur a arvez eus an tem bet dibabet gantañ. Krediñ a c’haller e oa chomet, e Breizh, kalz kreñvoc’h an hengounioù diwar-benn ar sorserezh, eget na oant e Kembre. Anat eo, evelato, ez eus liammoù etre an hengounioù-se. Kontañ a raed e oa posubl touellañ an Diaoul kenkoulz ha bezañ touellet gantañ, evel ma ouzomp e Kembre da skouer e mojenn istor sevel ar pont e Pontarfynach e Ceredigion. E Breizh, neuze, e kreded, pa varve, e tec’he kuit ene an den diouzh e gorf dre e c’henoù. Evel-se, an Diaoul, ur wech, a oa o c’hortoz, gant pasianted, evit gallout tapout ene ur paotr hag a oa en em grouget. Pec’het en doa dre'n em zistrujañ, herve kelennadurezh hengounel an Iliz, ha ret e vefe d’an Daioul e gas d’an Ifern. Aze e oa ouzh e c’henoù prest da dapout krog en e ene. Ar gordenn avat en-dro d’e c’houzoug a harzhe ouzh e ene a vont kuit dre e c’horzailhenn; dre e revr, ne lavaran ket! Evel-se e oa bet dipitet an Diaoul pa oa o c’hortoz er penn fall.

Mar fell deoc'h kaout un tañva eus ar gaozeadenn, n'hoc'h eus nemet sellet ouzh YouTube:
http://www.youtube.com/watch?v=XLxpILaijCQ

Politikourien Breizh-Veur eo a vo klevet o vreutaat e Bro-Skos hag e Kembre

2010-04-28T16:04:00.005+01:00

Tostaat a ra an dilennadegoù, an iskisañ re e Breizh-Veur abaoe pell, dreist-holl dre ma’z eo aet war greñvaat an Demokrated-Frankizour en un doare dic’hortoz a-walc’h.

Kaer o deus klasket broadelourien Bro-Skos berzañ ouzh ar BBC skignañ an trede breutadeg etre renerien ar brasañ tri strollad poltikel breizhveuriat. Deuet e oa an SNP a-benn da sevel £50,000 a-benn daeañ ar BBC el lez-varn e Din-Edin, met gant ar BBC eo aet an trec’h.

Lavaret a rae ar strollad broadel ne oa ket neptu ar BBC dre ma ne gleved ket mouezh an SNP er breutadegoù hag evel-se ne oa ket kempouez ar pezh a ginnigent d’ar vouezhierien. Nac’het eo bet ar soñj-se gant ar varnerez Smith avat.

Plaid Cymru ivez a felle dezhañ sevel ur prosez heñvel met gouzout a rae e koustfe re ger, ha ne c’hallent ket evit kenlabourat war ar c’hraf-se gant an SNP dre ma’z eo disheñvel kenreizhadur ar gwir en div vro.

http://news.bbc.co.uk/welsh/hi/newsid_8640000/newsid_8649200/8649274.stm

Repu evit ar frigribell vihan

2010-04-26T10:08:00.002+01:00

Un tunnel hent-houarn kozh nepell diouzh Caernarfon a vo troet e repu evit al loened ral, a lavar Servij an Endro hag ar raktres Kêrioù Kempenn kaset en-dro gant Kuzul Gwynedd.

Ar riboul, e-kichen roudenn divrodegoù Lôn Eifion, a vo serret ha krediñ a reer e teuio da vezañ annez eus ar c’hentañ evit al logod-dall hag ar frigribelled. Miret ar riboul a dalvezo e vo miret ivez ul lod eus istor greantel ar vro war un dro.

Gwynedd, hervez kont, zo e-touez annezioù pouezusañ ar frigribell en Europa.

http://news.bbc.co.uk/welsh/hi/newsid_8640000/newsid_8641700/8641786.stm

Hag ar voterien e Bro-Skos?

2010-04-25T23:42:00.004+01:00

Hervez ar sontadegoù ez eo Labour ar strollad a raio ar muiañ a verzh e Bro-Skos en dilennadegoù lezennat da’r 6 a viz Mae. Ur c’hresk a 2% zo bet e niver an dud a lavar e roint o vot da Labour, hag evel-se o defe 36% eus ar mouezhioù.

War greñvaat eo aet an Demokrated-Franzkizour e Bro-Skos ivez, emichañs dre ma’z eo bet gwelet ken mat Nick Clegg, rener ar strollad-se er breutadegoù skinwel etre renerien an tri brasañ strollad breizhveuriat. An Demokrated-Frankizour a c’hallfe tapout un 20% eus ar mouezhioù.

SNP, strollad ar vroadelourien, zo digresket dregantad ar re prest da voeuzhiañ evitañ dre 6% -c’hoazh, a c’haller krediñ, dre ma n’eus ket bet roet tro d’e rener da gemer perzh er breutadageoù skinwel. 26% a Skosiz a votfe evit an SNP.

Gant abeg eo fuloret ar vroadelourien ha prest int da sevel ur prosez a-benn goulenn ma vefe cheñchet reolennoù ar breutadegoù skinwel.

War a hañval, daoust d’ar c’hemmoù en dregantadoù, e chomfe tamm-pe-damm heñvel an disoc’hoù Bro-Skos a-fed niver an deputeed gant pep strollad: Labour 40, SNP 7, Demokrated-Frankizour 11, Mirourien 7.

42% eus ar voterien koulskoude a lavar e c’hallfent cheñch o soñj a-raok ar 6 a viz Mae hag un 9% all n’o deus graet diviz ebet c’hoazh!

http://www.ipsos-mori.com/researchpublications/researcharchive/poll.aspx?oItemId=2596

An Dilennadeg Lezennat Vreizhveuriat e Kembre

2010-04-23T10:03:00.002+01:00

Ha ni e Kembre o vont da gemer perzh en dilennadegoù evit Sened Londrez d’ar 6 a viz Mae, 2010, e talvez ar boan menegiñ stad an traoù da’n ampoent. Levezonet-tre eo bet ar vouezhierien gant ar breutadegoù skinwel a zo bet dalc’het kenetre renerien ar strolladoù bras breizhveuriat, hag evel-se eo bet dianavezet, ha bountet a-gostez, ar strolladoù broadel e Kembre hag e Bro-Skos, tamm-pe-damm.

Nick Clegg, rener an Demokrated-Frankizour zo bet gwelet mat-tre er breutadegoù skinwel, dreist-holl en hini gentañ, hag evel-se, hervez ar sontadurioù eo kresket dregantad an dud e Kembre a-du gant e strollad eus 12% e miz Meurzh da 29% e miz Ebrel. Digresket eo dregantad ar voterien Labour eus 37% da 33% ha re bPlaid Cymru eus 14% da 9%.

Hep mar na marteze, a drugarez da levezon ar breutadegoù skinwel, un dra nevez amañ, eo deuet an dilennadeg-mañ da vezañ un tamm evel an abadennoù skinwel ma vez votet evit ar c’henstriver a blij ar muiañ da’n arvesterien!

http://www.dailypost.co.uk/news/in-depth/elections-2010/articles/2010/04/20/lib-dems-surge-to-29-in-wales-in-new-opinion-poll-55578-26275815/

luc'hskeudenn: paperenn-vouezhiañ Ceredigion

Mebyon Kernow ne vint ket kentañ met marteze ne vint ket diwezhañ kennebeut

2010-04-13T12:35:00.004+01:00

Kota arvow Konsel Ranndir Pennwydh (Cyngor Dosbarth Penwaedd - Penwith District Council), Kernow
Originally uploaded by bara-koukoug

Evit ar wech kentañ e vo gant Mebyon Kernow, broadelourien Kernev-Veur, tud war ar renk e pep pastell-vro e Kernev-Veur en dilennadeg lezennat, kolonekaet ma’z int goude ar votadegoù evit ar c’huzulioù kontelezh warlene, pa oa bet tapet 4.3% eus ar mouezhioù ganto. Gant ar Virourien e oa aet an trec’h neuze, hag ar strollad bras all eo an hini Demokrated Frankizour.

Pouezañ ar ra Mebyon Kernow ar an aferioù glas hag ar re gernevveurat, hag evel-se e c’hallfent sachañ lod eus ar votoù a chom gant Labour.

http://www.guardian.co.uk/politics/2010/apr/12/election-campaign-politics-bet

Koll postoù-labour c’hoazh hag adarre

2010-04-13T11:47:00.001+01:00

Gant an embregerezh Welsh Country Foods e vo dic’hopret 181 a dud en o labouradeg yn y Gaerwen war Enez-Von. E-kerzh 18 miz ez eus bet kollet ouzhpenn mil post-labour war an enezenn.

An embregerezh a lavar ne vez ket gwerzhet trawalc’h a gig deñved hag a gig leueoù hag e rank neuze cheñch plas d’al labour pakañ. Hiviziken e vo graet e Winsford e Bro-Saoz.

http://news.bbc.co.uk/welsh/hi/newsid_8610000/newsid_8612300/8612393.stm

Savadurioù Nevez Kaer Kembre

2010-04-12T14:13:00.005+01:00

Er bloaz-mañ ez eus bet lakaet daouzek eus savadurioù nevez Kembre war ar renk evit ur priz etrebroadel roet d’an disavourien. E-touez ar savadurioù emañ kreizenn arzoù ar Chapter e Treganna, Kerdiz, ur skol gozh bet adnevezet nevez zo, savadur Kenguzul Deskadurezh Kembre (CBAC), ha Levraoueg Kerdiz.

Meulet eo bet ar batimantoù gant Aozadur Roueel Tisavourien Breizh-Veur (RIBA) evit o dizagn hag evit ar pezh a ginnigont d’an endro lec’hel.

Gant Robert Sakula ez eo bet adkempennet Kreizenn ar Chapter e Kerdiz, a drugarez da skoazell arc’hant Kuzul an Arzoù evit Kembre hag arc’hant bet roet gant ar Vodadeg Vroadel.

http://www.flickr.com/photos/bara-koukoug/4411980498/

Alex Robertson, eus Capita Percy Thomas, a zo kiriek eus burevioù nevez Kenguzul Deskadurezh Kembre.

http://www.flickr.com/photos/bara-koukoug/4343820281/

Levraoueg nevez Kerdiz zo koustet £13.5 milion, hag enni ez eus 3 c’hilometr a estell evit derc’hel al levrioù. 90,000 a levrioù a gaver enni, un 10,000 anezho e kembraeg, hag un 10,000 bennak a CDoù hag a DVDoù ouzhpenn.

http://www.flickr.com/photos/bara-koukoug/4511840500/

Peseurt dazont evit ar beredoù?

2010-04-12T10:03:00.002+01:00

Carreg fedd yn hollti - Llanwrin
Originally uploaded by bara-koukoug

Ur c’hriz zo e beredoù Kembre, abalamour da zaou dra.

1. A-benn nebeut ne vo ket ken lec’h evit interiñ an dud e div diwar deir anezho. Bremañ ez eus nebeutoc’h eget 20 lec’h goullo e 43% eus beredoù an ilizoù.

2. Rankout a rafe an iliz Anglikan e Kembre paeañ £18 milion a-benn delc’her a-ratre ar beredoù; nemet £3.6 milion n’he deus avat.

‘Hor beredoù zo un dastumlec’h gouiziegezh diwar-benn hon istor. Kontañ a reont danevell pobl Gembre,’ eme Alex Granville, rener servijoù madoù an Iliz, ‘ha ma ne vez ket roet skoazell e talc’ho an teñzorva-se da vont war ziskar.’

E Bro-Saoz e rank an aotrouniezhoù lec’hel delc’her ar beredoù a-ratre ur wech ma vezont leun, met e Kembre n’eo ket rediet ar c’huzulioù d’ober kemend-all. Un dibab eo evito.

1,053 a veredoù zo e dalc’h an Iliz Anglikan e Kembre, ha war a seblant e c’houlenno an Iliz digant Bodadeg Vroadel Kembre hag an aotrouniezhoù lec’hel sevel ur raktres a-benn kavout un disoc’h d’an enkadenn.

Krediñ a c’haller n’eo ket gwall soursiet ar Vodadeg Vroadel gant ar gudenn koulskoude, rak pa c’houlenne ar gelaouenn Western Mail o soñj e lavare an degemennour e oa ‘afer an ilzioù derc’hel a-ratre o beredoù.’

Ha pa sellfed ouzh beredoù an holl ilizoù digengredenn ivez ez eo anat e vefe un tamm mat brasoc’h an enkadenn-se!

Stal gembraek o serriñ

2010-04-05T12:59:00.000+01:00

Siop y Morfa er Rhyl, e biz Kembre, a ya da serriñ goude 29 bloavezh. Evit Dafydd Timothy, ar perc’henn, un diviz diaes ha poanius-meurbet eo bet serriñ dorozioù e stal, met dre ma’z eo digresket kement an arc’hant a vez degemeret gantañ ne wel disoc’h all ebet. ‘Rhyl zo ur gêr saoznekaet a-walc’h,’ emezañ, ‘ha kavout a ra din e oa deuet ar stal da zihuniñ ar spered kembreat amañ. Poan a ra din dilezel anezhi, met an arc’hant er c’hef ne gont ket ur gaou, ’m eus aon.’

Hervez perc’henn ar stal ez eus ouzhpenn un abeg evit an digresk er c’henwerzh. Da gentañ e varv, hini-ha-hini, ar re gozh a veze douget da lenn hag a yae ingal er stal. Da eil ez eus deuet stalioù bras nevez war harzoù kêr, ha dezho eo ez an dud d’ober o frenadennoù. Ar re vrasañ, evel Sainsbury’s ha Tesco’s, a werzh ar pladennoù-arc’hant kembreat a vez ar muiañ a glask warno, evel ar re gant Bryn Terfel pe gant Katherine Jenkins, pe gant Laz-kanañ y Fron evit prizioù marc’hadmatoc’h eget na goustont da brenañ, hag ur stal vihan ne c’hall ket kenstrivañ ganto. Ouzhpenn se, ar re c’hoant ganto ober un dro e kêr a gav diaes kavout plas da lakaat ar c’harr. Ha goude kemend-all a ziaesterioù ez eo deuet ar resediñ.

Dafydd Timothy a fell dezhañ kenderc’hel da werzhañ levrioù ha danez all, met dre ar Gwiad ha neuze dre gontradoù gant ar skolioù ha gant pratikoù all.

http://www.golwg360.com/Hafan/cat46/Erthygl_11164.aspx

http://rhyl-life.blogspot.com/2010/03/siop-y-morfa.html

Yann Talbot o prezegenniñ / Darlith Lydaweg yn yr Hen Goleg, Aberystwyth

2010-04-04T14:40:00.006+01:00

Yann Talbot o prezegenniñ / Darlith Lydaweg yn yr Hen Goleg, Aberystwyth
Originally uploaded by bara-koukoug

Yann Talbot a raio ur brezegenn diwar-benn AN DIAOUL HAG AR SORSERIEN/SORSEREZED E BREIZH’, er Sal Istor (Ystafell Hanes / History Room) Skol-Veur Gozh, Aberystwyth, d’ar Meurzh 27 a viz Ebrel, da 7eur30 abardaez. (Titouroù ar sal da heul) Degemer mat d’an holl – ha digoust

Keleier mat evit al loened doñv... e Kembre hepken

2010-03-24T09:28:00.002Z

Txakur xeratsua / Ci cyfeillgar / Ki mignon - Iragi
Originally uploaded by bara-koukoug

Kembre eo al lodenn gentañ eus ar Rouantelezh-Unanet ma’z eo bet berzet ar c’holieroù a ro stokadoù-tredan d’ar chas ha d’ar c’hizhier. Da heul an diviz gant Bodadeg Vroadel Kembre e c’hall an nep o implij tapout un dell-gastiz, betek £20,000, pe neuze c’hwec’h miz en toull-bac’h. An emsavioù a labour evit gwirioù al loened, an RSPCA en o zouez, a zo savet a-du gant ar politikerezh-se.

Hervez kevredigezh ar re a ra ar c’holieroù, dre ma vo diaes ober war-dro loened zo e c’hallfe bezañ kaset muioc’h a chas hag a gizhier d’ar repuioù evito.

Ur 500,000 eus ar c’holieroù a ro stokadoù-tredan a vefe e Breizh-Veur, war a greder, ha kement hag 20,000 anezho e Kembre.

E Bro-Saoz emeur o c’hortoz disoc’hoù enklaskerezh a-raok divizout ha kriz eo reiñ stokadoù-tredan d’al loened pe n’eo ket; da Gembreiz, avat, e seblant gwall anat ez eo un doare diret d’o lakaat da sentiñ.

S4C dindan ur goumoulenn

2010-03-23T11:42:00.004Z

Evit ar mare e Kembre ez eus komz er mediaoù eus niver an dud a sell ouzh abadennoù S4C, ar chadenn skinwel gembraek.

Hervez danevellskridoù zo e vez nebeutoc’h eget mil den o sellet ouzh abadennoù zo. Nebeutoc’h eget un abadenn diwar bemp a sach ouzhpenn 10,00 arvester, hervez kont.

Gant difennerien ar yezh ez eus bet tamallet da zen pe zen hag a labour gant ar skinwel bezañ roet ar stadegoù da’r wask a-benn klask ober droug d’ar yezh. Ret eo lavaret avat n’eo ket sklaer, sklaer, dazont ar chadenn en ur mare ma vo klasket espern arc’hant.

Keleier fall diwar-benn S4C n’int ket un dra nevez. E 2008 e oa bet embannet e veze 90,000 nebeutoc’h a arvesterien gant ar chadenn bep sizhun e 2007 eget na veze e 2006.

http://www.golwg360.com/UI/News/ViewNewsDetails.aspx?ID=10670

http://news.bbc.co.uk/welsh/hi/newsid_7440000/newsid_7449000/7449021.stm

http://www.walesonline.co.uk/news/wales-news/2010/03/10/figures-reveal-failure-of-s4c-to-attract-tv-audiences-91466-25999157/

Komz brezhoneg er Chapter e Kerdiz, Kembre / Siarad Llydaweg ynChapter, Treganna (i)

2010-03-21T22:05:00.002Z

Komz brezhoneg er Chapter e Kerdiz, Kembre / Siarad Llydaweg yn Chapter, Treganna (i)
Originally uploaded by bara-koukoug

Lena, Richard, Dafydd, Jamie, Lisa (a Gwion), a Cedric

Dinac'h ar gwir da gaout strolladou-touidi kembraegerien anezho

2010-03-20T12:21:00.006Z

Gant Claire Ward, Ministr ar Justis e Londrez, ez eus bet disklêriet ne vo ket roet ar gwir da c'houlenn jurioù ma oar an holl kembraeg. Hervezi ez eo pouezusoc'h e vefe dibabet an douidi dre zegouezh eget ne vefe kembraegerien anezho. Ret avat eo gouzout saozneg, yezh ar sevenadur breizhveurat, evit bezañ war ur juri.

Ar barner kozh Dewi Watkin-Powell a lavar ez eo souezhet e vije bet dinac'het ar gwir-mañ, rak hervezañ ez eo ar reizhded ar pep pouezusañ e n'eus forzh pe brosez, ha pa vez troet komzoù un test e c'haller fallgompren ha neuze nac'h ar justis. 'Pa vez ur meskaj kembraegerien ha tud n'ouzont ket kembraeg er juri,' emezañ, 'e vo lod o selaou an testeni ha lod o selaou un troer, hag evel-se e vo disheñvel ar pezh a glev an eil re hag egile. Dibab ur strollad-touidi n'eo ket ur c'hoari diñs.'

Ar barner kozh Dewi Watkin-Powell a lavar ez eo-eñ re gozh evit bezañ war ur juri, rak ne c'houlenner ket ar servij-se digant ar re tremen 70 vloaz.

Anavezet-mat e rakfe bezañ anv Dewi Watkin-Powell e Breizh, rak pa oa studier yaouank e oa bet kaset gant ar gelaouenn sizhuniek kembraek Baner ac Amserau Cymru da evezhiañ ar prosez a-enep Roparz Hemon. Hervez darn e c'haller krediñ e vije bet barnet Hemon d'ar marv panevetañ, rak o welet ur c'hazetenner eus an estrenvro war al lec'h ne felle ket d'ar pennoù-bras e Pariz bezañ gwelet re griz ha didruez, dreist-holl pa ne oa Hemon o stourm war tachenn ar sevenadur hepken.

Ar Pab ne zeuio ket da Gembre!

2010-03-20T12:13:00.004Z

Carwyn Jones, Kentañ Ministr Kembre, en deus lavaret ez eo dipitet gant diviz ar Pab da chom hep ober un dro e Kembre pa zeuio da Vreizh-Veur e miz Gwengolo. Hervez an aotrou Jones e vefe kerseet tud dre ar vro a-bezh pa ne zeufe ket Benead amañ, hag eñ koulskoude o vont da Vro-Skos ha da Vro-Saoz.

Ret eo lavaret ez eus stad e meur a hini all ne vo ket gwelet e Kembre!

Tro da gaozeal en Aberystwyth

2010-03-18T15:29:00.000Z

En em gavout a raimp d'ar merc'her, 24 a viz Meurzh, en ostaleri Ar Vag hag ar C'hastell... Deuit mar gallit... e-tro 4 eur!

Byddwn ni'n cwrdd ar ddydd Mercher, 24 Mawrth, yn nhafarn y Llong a'r Castell... Dewch os gallwch... tua 4 o'r gloc'h!

Ur vengleuz mein-glas all o serriñ

2010-03-17T09:24:00.003Z

E dibenn miz Ebrel e vo serret ur vengleuz mein-glas e Blaenau Ffestiniog, hini an Oakley, dre ma’z eo krog ar mengleuzioù kozh, dindan an douar, da zisac’hañ. Barnañ a reer ez eo deuet da vezañ re risklus da genderc’hel gant al labour.

55 den a vez gopret e Blaenau Ffestiniog gant an embregerezh Welsh Slate, ha da ouzhpenn un hanter anezho e vo kinniget labour e mengleuz ar Penrhyn e Bethesda.

‘Keuz hon eus o paouez gant al labour er vengleuz e Blaenau,’ eme Alan Smith, rener an embregerezh, ha trugarekaat a reas ar vicherourien evit o labour start.

http://news.bbc.co.uk/1/hi/wales/north_west/8570412.stm

Luc’hskeudenn – Cwm Orthin, Blaenau Ffestiniog, gant Rory Francis:

http://www.flickr.com/photos/roryfrancis/4283137666/

Un hezougenn gembraek

2010-03-16T14:17:00.005Z

Embregerezhioù Orange ha Samsung zo bet o kenlabourat a-benn krouiñ an hezougenn gentañ e kembraeg!

War ar pellgomz ez eus rolloù dibaboù e kembraeg ha tro ivez da rakvenegiñ gerioù kembraeg pa vezer o sevel kemennadennoù.

Roet e voe lañs d'ar pellgomz e miz Eost warlene en Eisteddfod Vroadel. Nemet

Titouroù pelloc'h:

http://www.plcomms.co.uk/page17.html

Taget ar servij kirri-nij etre Enez-Von ha Kerdiz

2010-03-14T20:05:00.007Z

2 vilion lur saoz a zleoù zo en deus an embregerezh Highland Airways eus Inbhir Nis (Inverness) Bro-Skos a zalc'h ar servij kirri-nij etre Enez-Von ha Kerdiz e Kembre. Ur c'holl a ouzhpenn £400,000 en doa graet ar servij kembreat e 2008, daoust ma c'hallje bezañ bet implijet gant ouzhpenn 37,000 a dud abaoe 2007 pa voe roet lañs dezhañ.

Gant Kirsty Williams, renerez an Demokrated-Frankizour e Kembre ez eo bet daeet Carwyn Jones, ar C'hentañ Ministr, da ziskouez emañ a-du gant ur politikerezh glas ha paouez a skorañ ar c'hirri-nij gant arc'hant ar Vodadeg. Ieuan Wyn Jones, kannad evit Plaid Cymru war Enez-Von a seblant bezañ mennet da virout ar servij, ha lesanvet eo bet “Ieuan Air” gant darn.

Gant Jake Griffiths eus Strollad Glas Kembre ivez ez eus bet kavet abeg e gouarnamant Kembre. 'Nebeut a dalvoudegezh en deus bet ar servij evit lakaat kreisteiz ha hanternoz ar vro da dostaat an eil ouzh egile,' emezañ. 'Nemet evit mad un nebeudig izili eus ar Vodadeg hag un nebeudig tud a aferioù n'eo bet, ha ma ne vije ket ar Strollad Labour ha Plaid Cymru o kenstrivañ evit ar bastell-vro-se er mouezhiadegoù, ha ma ne vije ket is-Kentañ Ministr an ezel evit Enez-Von, diaes eo krediñ e vefe c'hoazh eus ar servij.'

Hervez Jake Griffiths e vefe furoc'h postañ arc'hant en hent-houarn etre Kerdiz ha Caergybi (Holyhead) hag adsevel an hent-houarn etre Caernarfon ha Bangor.

http://www.southwalesargus.co.uk/news/4873051.Jones_urged_to_scrap____Ieuan_air___/

http://news.bbc.co.uk/welsh/hi/newsid_8560000/newsid_8565400/8565498.stm

http://wales.greenparty.org.uk/region/wales/news/Scrap-IeuanAir-and-invest-in-rail-link-to-Caernarfon.html

Brezhonegañ e Kerdiz

2010-03-12T09:14:00.003Z

Mar plijfe deoc'h kaout tro da gomz brezhoneg en em gavo un nebeudig ac'hanomp e Kreizenn ar Chapter, Kerdiz, d'ar sadorn 20 a viz Meurzh da 14eur30... (Gwisket vin gant ur roched wer).

Os hoffech gael cyfle i ymarfer eich Llydaweg, bydd ambell un ohonom yn cwrdd yng Nghanolfan y Chapter, Caerdydd, ddydd Sadwrn, 20 Mawrth am 2.30 y prynhawn... (Byddaf i'n gwisgo crys gwyrdd).

http://www.flickr.com/photos/bara-koukoug/4411980498/

Brezhonegañ en Aberystwyth

2010-03-11T14:49:00.002Z

En em gavout a raimp d'ar merc'her, 17 a viz Meurzh, en ostaleri Ar Vag hag ar C'hastell... Deuit mar gallit... e-tro 4 eur!

Byddwn ni'n cwrdd ar ddydd Mercher, 17 Mawrth, yn nhafarn y Llong a'r Castell... Dewch os gallwch... tua 4 o'r gloc'h!

Kouviet ar Pab da zont da'r vro

2010-03-08T21:18:00.005Z

Gant Kentañ Ministr Kembre eo bet pedet ar Pab Benead da zont d'ar vro pa zeuio d'ar Rouantelezh Unanet diwezhatoc'h er bloaz-mañ.

Deuet e oa ar Pab Yann-Paol II da Gembre e miz Mezheven 1982.

War-dro 3 milion den zo o chom e Kembre (pe a oa e1995), met n'eus nemet war-dro 150,000 (5%) a zo Katoliked anezho.

Evit a sell ar Gristeniezh dre vras ez eo war Enez-Von e kaver an dregantad uhelañ a Gristenien: 79% (2001), hag an hini izelañ e Blaenau Gwent: 64%.

E korn y Rhondda, Cynon, ha Taf (nepell eus Kerdiz) e kaver an dregantad uhelañ a dud dizoue (25%) .

http://www.golwg360.com/UI/News/ViewNewsDetails.aspx?ID=10365

http://www.newadvent.org/cathen/15532a.htm

http://www.statistics.gov.uk/census2001/profiles/commentaries/ethnicity.asp#religion

luc'hskeudenn: Itron Varia Pen-rhys, y Rhondda:

http://www.flickr.com/photos/bara-koukoug/4411852970/

Saveteiñ miliadoù a levrioù ral

2010-03-06T17:18:00.003Z

Gant Kuzul Kerdiz e oa bet lakaet en arvar dazont miliadoù eus koshañ ha ralañ levrioù Kembre, war-dro 175 anezho oberennoù bet moullet a-raok 1500.

Da vezañ gwerzhet en ur werzhidgezh d'an uhelañ diner e Londrez e oant, rak fellout a rae d'ar c'huzul kavout an dizober anezho ha lakaat levraouegoù Kerdiz da bleustriñ penn-da-benn war levrioù poblekoc'h

Ur 14,000 a oberennoù zo en dastumadenn a oa da vezañ gwerzhet, darn anezho eus dibenn ar 15vet kantved. Bremañ avat ez eus bet divizet reiñ bod d'al levrioù e Levraoueg Skol-Veur Kerdiz.

Fuloret e oa an dud ouiziek gant soñj ar c'huzul met deuet eur a-benn da gavout £1.2 milion digant Gouarnamant ar Vodadeg ha Kuzul Skorañ an Deskadurezh-Uhel e Kembre evit cheñch plas dezho.

Ur wech bet graet war-dro war an dastumadenn evit ma vo miret mat e vo posubl d'an dud gwelet al levrioù. Diwezhatoc'h e vo ivez stummoù niverennel eus darn anezho war ar Gwiad.

http://news.bbc.co.uk/1/hi/wales/south_east/8550408.stm

http://www.flickr.com/photos/bara-koukoug/4093790402/

Tro da gomz brezhoneg en Aberystwyth

2010-03-03T19:16:00.002Z

En em gavout a raimp d'ar merc'her, 10 a viz Meurzh, en ostaleri Ar Vag hag ar C'hastell... Deuit mar gallit... e-tro 4 eur!

Byddwn ni'n cwrdd ar ddydd Mercher, 10 Mawrth, yn nhafarn y Llong a'r Castell... Dewch os gallwch... tua 4 o'r gloc'h!

Ur mell aerouant ruz evit Kembre

2010-03-02T12:47:00.003Z

Embannet ez eus bet ur raktres da sevel delwenn ur pezh aerouant kembreat, ar brasañ delwenn e Breizh-Veur hag ar 15vet brasañ er bed, nepell diouzh y Waun (Chirk) e biz Kembre, war ar harzoù ar vro.

Tost 23 metr e vo uhelder an aerouant, met dre ma vo war ur soledenn e savo tremen 64 metr en aer.

Koustañ a raio £6 milion (6,617,409 €) ha krediñ a reer e c'hallfe bezañ war al lec'h a-benn an Eisteddfod Vroadel e Wrecsam (Wrexham), er memes korn, e miz Eost 2011.

http://www.golwg360.com/Newyddion/cat5/Erthygl_10312.aspx

Esperanteg

2010-03-02T12:42:00.004Z

Embannet eo bet ar c'hentañ levr kentelioù Esperanteg dre ar c'hembraeg

Nemet 36 a bajennoù ne 'z eus en hentennig Esperanteg nevez-mañ, lec'h a-walc'h avat evit 10 kentel, poelladennoù lenn hag ur c'heriaoueg.

Savet eo bet gant Harry Barron eus Machynlleth.

£1.50 eo ar priz (pe £2 dre ar post e Breizh-Veur). Evit kaout titouroù pelloc'h, mont e darempred pe gant Ffederasiwn Esperanto Cymru, 8 Vardre View, Deganwy, CONWY, LL31 9TE pe gant Harry Barron (pellg. 0 -7973 367131)

Komz brezhoneg en Aberystwyth

2010-02-27T09:32:00.001Z

Tro d'en em gavout evit komz brezhoneg - d'ar merc'her, 3 a viz Meurzh, 2010, en ostaleri Ar Vag hag ar C'hastell, e-tro 4 eur abardaez. Degemer mat d'an holl.

Un delwenn eus Gwynfor Evans graet en arem

2010-02-23T12:08:00.003Z

Un delwenn eus Gwynfor Evans, rener kozh Plaid Cymru, marvet e miz Ebrel 2005, a zo da vezañ dioueliet, gant Dafydd Elis-Thomas, d'ar sul 28 a viz C'hwever, 2010, er Barri, ar gêr e kontelezh Morgannwg ma voe ganet ha desavet ar politikour hag an istorour brudet.

Ganet e voe Gwynfor Evans e 1912, mab da zDan Evans, perc'henn brasañ stal y Barri. Goude bezañ er skol er gêr-se e oa aet da Aberystwyth da studiañ ar gwir. Nemet e 1966 ne oa deuet a-benn da vezañ dilennet evel kannad evit Plaid Cymru er sened e Londrez, ar c'hentañ broadelour kembreat da dizhout ar pal-se! Marvet eo e 2005, da 92 vloaz.

An delwenn zo bet savet gant John Meirion Morris eus Lanuwchllyn, hag an enskrivadur, e kenganez evel-just, gant Euryn Ogwen Williams:

"Asbri'r gwladgarwr a'i ysbryd
yw'n rhodd ni o'r Barri i'r byd."

(ger evit ger - Jourdoul ar brogarour hag e spered
eo hor prof, digant kêr Barri d'ar bed)

E levraoueg skol gembraek Sant Baruc emañ an delwenn,

http://news.bbc.co.uk/welsh/hi/newsid_8520000/newsid_8529100/8529115.stm

Lazhañ ar broc’hed- ‘ur raktres aheurtet’ gant gouarnamant Kembre

2010-02-22T17:16:00.002Z

Hervez an Dr Chris Cheesman ez eo ‘aheurtet’ diviz gouarnamant Kembre, renet gant Labour ha Plaid Cymru war un dro, da glask lazhañ an holl vroc’hed en ur c’horn eus kreistez Kembre gant ar spi ma teuio an dorzhellegezh da vezañ raloc’h er saout.

An distruj a grogo e fin an nevezamzer, met ‘a-enep ar skiant emañ’ hervez ar skiantour hag an arbennigour-mañ. ‘Nebeut a ziforc’h a raio al lazhadeg, emezañ, ‘ma ra diforc’h ebet, ha ne vint ket evit lavaret pe efed en deus bet ar raktres dre ma vo ivez reolennoù nevez evit a sell an doare da ren ar saout. Un diviz aheurtet eo, a gav din, ha memes bremañ e vefe ret dezho cheñch mennozh.’

Kembraeg:
http://news.bbc.co.uk/welsh/hi/newsid_8520000/newsid_8526900/8526930.stm

Saozneg:
http://news.bbc.co.uk/1/hi/wales/south_west/8525522.stm

Ret kuitaat ar brezel en Afghanistan rak gounit ne c’hallor ket

2010-02-22T16:41:00.002Z

Ret e vefe da Vreizh-Veur en em dennañ diouzh ar brezel en Afghanistan, hervez Elfyn Llywd, kannad a-berzh Plaid Cymru evit Meirionnydd Nant Conwy er sened e Londrez.

‘Lavaret em eus krak-ha-kren ma soñj, da lavaret eo ne gav ket din ez eo dleet deomp bezañ eno,’ emezañ. ‘Evit a sell ar baotred hag ar merc’hed bet kaset ganeomp d’ar vro-se avat e lavaran e tellezont bezañ skoret ha skoazellet. Hor miben hag hor merc’hed int.’

Elfyn Llwyd a garfe gwelet un arsav-brezel ma c’hallfe goude ul lu evit mirout ar peoc’h bezañ kaset d’ar vro gant ar Broadoù-Unanet.

‘En diwezh n’eo ket dre ar brezel e vo kavet un disoc’h met kentoc’h dre an diplomatiezh,’ en deus lavaret c’hoazh.

http://www.walesonline.co.uk/news/wales-news/2010/02/21/britain-must-quit-no-win-war-in-afghanistan-elfyn-llwyd-91466-25879937/

Peggy Le Bihan o kelenn e Tŷ Siamas, Dolgellau - devezh-studi ar gevredigezh - d'an 20 a viz C'hwevrer, 2010

2010-02-21T11:42:00.005Z

Peggy Le Bihan o kelenn e Tŷ Siamas, Dolgellau - Diwrnod Llydaweg a drefnwyd gan Gymdeithas Cymru-Llydaw
Originally uploaded by bara-koukoug

Peggy o kelenn e Tŷ Siamas, Dolgellau - devezh-studi ar gevredigezh e Dolgellau, d'an 20 a viz C'hwevrer, 2010

2010-02-21T11:41:00.008Z

Peggy o kelenn e Tŷ Siamas, Dolgellau - Diwrnod Llydaweg a drefnwyd gan Gymdeithas Cymru-Llydaw
Originally uploaded by bara-koukoug

Peggy o skrivañ war an daolenn follennoù-nij / Peggy'n ysgrifennu ar y fflipsiart

2010-02-21T11:41:00.007Z

Peggy o skrivañ war an daolenn follennoù-nij / Peggy'n ysgrifennu ar y fflipsiart
Originally uploaded by bara-koukoug

Daou eus gouelioù Kembre

2010-02-21T07:14:00.007Z

Kembre n'eo ket ken brudet evit he gouelioù evel Breizh, emichañs dre ma'z eo disheñvel-bras hengounioù ar gembraegerien diouzh re Breizhiz.

Abaoe an naontekvet kantved, dreist-holl, ez eo dedennet Kembreiz gant emvodoù evit lidañ ar c'hanañ hag ar varzhoniezh, met n'eo ket deuet an dudi-se da vezañ un dra evit sachañ touristed, ha ral a wech e vez gwelet Kembreiz treuzwisket e dilhad ar Grennamzer pe neuze oc'h asevel binvioù-seniñ peuzankounac'haet.

Dre an eisteddfodoù bihan, a veze dalc'het hogos e pep bourk e meur a gorn betek ar bloavezhioù 1970, hag a chom niverus a-walc'h, e vez meneget anatañ ar sevenadur kembreat. Goude an eisteddfodoù lec'hel e c'hall ar c'henstriver entanet ha donezonet mont war-raok d'an eisteddfodoù korn-bro. Bez' ez eus c'hoazh eus ar re-se, ket ken niverus ha gwechall koulskoude. Ar beg uhelañ eta zo tizhout an Eisteddfod vroadel.

Gant Urdd Gobaith Cymru ez eus ur frammadur heñvel: kenstrivadegoù er skolioù ha neuze eisteddfodoù korn-bro hag un eisteddfod vroadel. Hini vroadel an Urdd zo da vezañ dalc'het er bloaz-mañ e Llannerchaeron (pe Llanerchaeron - n'eo ket ken asur doare-skrivañ ar c'hembraeg ivez ur wechik an amzer), Ceredigon - nepell eus Aberaeron -
http://www.urdd.org/eisteddfod/

Etre an 31 a viz Mae hag ar 5 a viz Mezheven er bloaz-mañ e vo dalc'het Eisteddfod Vroadel an Urdd. Betek 100,000 a welenadennerien ha kement ha 15,000 oa genstriverien a gemero perzh er gouel. Miliadoù all a chomo er gêr evit sellet ouzh eurevezhioù hag eurvezhioù a genstrivadegoù war S4C: lazoù-kanañ, lazoù-seniñ, dañserien ha kanerien o-unan, yaouankiz o tibunañ pennadoù komz-plaen ha barzhonegoù, pezhioù-c'hoari, ha neuze disoc'hoù ar c'henstrivadegoù lennegel - ur gurunenn zo en eisteddfod-se dres evel en hini vrasañ (evit tud a bep oad) e miz Eost. Ouzhpenn-se e vez kenstrivadegoù ha diskouezadegoù arz.

Ur gouel disheñvel-bras eo ar Sesiwn Fawr (an Abadenn Vras) a vez, pe kentoc'h a veze hag a vo, dalc'het e Dolgellau. Un doare modernoc'h ha liproc'h da lidañ ar sevenadur eo hemañ, gant strolladoù pop hag all o seniñ hag o kanañ war ziv leurenn, ha nemet un nebeud a standoù o klask gwerzhañ marc'hadourezh. Evit meur a hini ez eo deuet ar genwerzhelezh hag ar pouez war yalc'hadoù bras digant ar gouarnamant, digant ar bankoù, digant ar greaterezh nukleel ha me 'oar-me, da noazañ spered ar brasañ eisteddfodoù, hini miz Eost peurgetket.

Liesseurt e vez ar selaouerien er Sesiwn Fawr, tud yaouank evit ar braz anezho met ur meskach yac'h a bep oad, evit gwir . Mav e vez an dud ha tommet e fri da veur a hini!

Warlene, e 2009, ne oa ket bet gallet derc'hel ar Sesiwn Fawr rak dre ma oa brein an amzer e-pad ar gouel e 2008, glav-bil spontus, e oa bet tapet £52,000 a zleoù. Spi a oa e c'hallfed adkregiñ e 2010, met c'hoazh emeur o klask sevel arc'hant da baeañ an dleoù kozh. E 2011, emichañs, ec'h adsavo ar gouel, hag an oberiantiz stag outañ a c'haller gwelet war ar bajenn Facebook: http://www.facebook.com/group.php?v=wall&gid=2374979441

Kanañ e saozneg hag e yezhoù all a vez klevet er Sesiwn Fawr, padal e chom reolennoù yezh strizh gan an Urdd ha gant an Eisteddfod Vroadel e miz Eost - pep tra e kembraeg hepken. Dre ma vez prientet ar Sesiwn Fawr gant kembraegerien avat, hag en ur c'horn kembraeger c'hoazh, ez eo anat d'an holl ez eus anezhañ ur gouel kembreat. Ur soñj kaer evit ho vakañsoù e Kembre e 2011? (E-tro an 20 a viz Gouere ez eo bet dalc'het betek-hen.)

Lod eus ur gentel gant Janig Bodiou, e devezh-studi Kevredigezh Kembre - Breizh, e Dolgellau, d'an 20 a viz C'hwevrer 2010

2010-02-20T22:25:00.001Z

Lod eus ur gentel gant Janig Bodiou, e devezh-studi Kevredigezh Kembre - Breizh, e Dolgellau, d'an 20 a viz C'hwevrer 2010
Originally uploaded by bara-koukoug

Daoust ma ne oa ket niverus an dud a oa deuet evit hon devezh-studi war ar brezhoneg (9 e oamp en holl), e oa plijus-tre emvod Kembre-Breizh e Dolgellau.

Goude bezañ paket ur banne kafe ganeomp, e oa krog Janig Bodiou gant he c'hentel gentañ. Goude un troc'h evit ur banne kafe all e oa tro Peggy Le Bihan da gelenn.

Merenn a oa bet debret ganeomp e ti-debriñ T. H. Roberts. Diabarzh an ti-debriñ zo bet miret evel ma oa pa oa stal, ha brav eo da welet. Dre ma oa leun a-walc'h pa oamp-ni degouezhet eno e oamp bet lakaet da zebriñ asambles er pezh a oa gwechall burev ar stal, ur sal vihan e-kreiz ar stal vras, met dispartiet diouti gant speurennoù gwer kaer.

Goude merenn e voe selaouet un tamm Tregerieg, bet enrollet, ha neuze e voe desket ur ganaouenn vrezhonek. Erfin e oa erru ar poent deomp derc'hel hon emvod bloaz. E kafedi Y Sosban e oa bet echuet an emvod-se, pa oa ret kuitaat Tŷ Siamas.

Divizoù an Emvod Bloaz

Divizet hon eus e vo ur stand gant ar gevredigezh en Eisteddfod e Glyn Ebwy, e miz Eost, hag ivez e vo dalc'het un devezh-studi ganeomp e miz Here en Aberystwyth.

Ur video all zo amañ: http://www.youtube.com/watch?v=VEwVsZFX1Eg

Trugarekaat a reomp Janig ha Peggy evit o labour. Plijet-bras omp bet o welet an holl re all ivez: Gwenno, Siân, Nic, Tecwyn, Rory ha Robin. Siwazh deomp e vo Peggy o tistreiñ da Vreizh e miz Ebrel hag evel-se n'hor bo ket tro da bediñ anezhi da gelenn c'hoazh.

Koll postoù-labour, c’hoazh hag adarre

2010-02-19T21:12:00.008Z

E Bro-Skos

Gant Comhairle nan Eilean Siar (Kuzul Inizi ar C’hornôg), er c'horn eus bro-Skos ma vez implijet ar muiañ ar skoseg en deiz a hiziv, ez eus bet divizet dipsign £1.2milion nebeutoc’h er bloaz a zeu, hag espern £14.5 milion a-raok 2014.

Tailhoù lec’hel ar c’horn a chomo evel m’emaint, met a-benn krennañ war an dispignoù ez eus bet erbedet chom hep leuniañ postoù-labour ha chom hep goprañ kelennerien ha skolaerien nevez en un doare ingal.

Ouzhpenn-se ez o devo tro ar re gopret gant Servijoù an Naetaat da lezel o fostoù abred.

Gant ar C’huzulier Dòmhnall Manford eus strollad an SNP e voe erbedet digreskiñ niver ar postoù uhelañ er velestradurezh, hag ivez ar yalc’hadoù roet da skorañ an arzoù, met ne voe ket degemeret e ginnigoù gant ar C’huzul.

Moarvat emañ ar gwir gant Ailig Dòmhnallach, kadoriad ar C’huzul, pa lavar ‘bloavezhioù start, start zo dirazomp’.

http://www.bbc.co.uk/scotland/alba/naidheachdan/story/2010/02/printable/100218_comhairlecuts.shtml
http://www.stornowaygazette.co.uk/news/Proposal-to-axe-senior-management.6088491.jp

E Kembre

Dic’hopret e vo etre 70 ha 100 a dud a labour evit IBERS e Skol-Veur Aberystwyth. IBERS eo Ensavadur ar Skiantoù Bevoniel, Skiantoù an Endro hag ar Skiantoù-Maeziat er Skol-Veur. Displeget eo bet gant ar renerien ez eus un toull a £2,4 milion e kef an ensavadur-se evit ar bloaz-mañ hag ar bloaz a zeu.

http://www.walesonline.co.uk/countryside-farming-news/farming-news/2010/02/09/aberystwyth-university-job-cuts-shock-91466-25790247/

Pourmenadenn en noazh war varch-houarn

2010-02-19T19:57:00.003Z

Krog eur da brientiñ da-geñver ar Bourmenadenn en Noazh war Varc’h-Houarn e Kerdiz, a vo dalc’het e miz Mezheven. E 2010, evit an trede gwech, e vo tud noazh, lod all damwisket, ha darn all livet o c’horf, o tremen dre straedoù kreiz Kerdiz. Lod eo eus un emsav etrebroadel a glask, en un doare fentus a-walc’h, sachañ evezh war enkadenn an endro. Niverus-tre eo ar c’hêrioù dre ar bed ma vez dalc’het ar vanifestadeg-se, evel ma tiskouez kartenn (diglok)-mañ: http://maps.google.com/maps/ms?msa=0&msid=110776403463258949582.00044e01ceb53a09b60b0

Nebeut a dud a zo bet o varc'hhouarnañ en noazh er broioù Keltiek avat, rak Dulenn (Baile Átha Cliath), Béal Feiriste (Belfast) ha Dùn Éideann (Edinburgh) eo ar c’hêrioù nemeto ma’z eus bet dalc’het hevelep pourmenadennoù.

Hervez lec’hienn WNBR ez eo pal ar bourmenadenn sachañ evezh war an ezhomm mallus da chom hep depantout war ar c’hirri, ha da bleustriñ kentoc’h war natur dibar ha galloud an hinienn.

Ar vanifesterien a c’houlenn ma paouezfed a vezañ diouzh dorn an eoul-maen, ma vefe renet strishoc’h sevenadur ar c’harr-tan ha ma vefe roet lañs d’an energiezh c’hlas. Sevel a reer a-du ivez gant an doareoù treuzdougen padus ha gant an ezhomm da suraat ma vo diogeloc’h ar marc’hhouarnañ dre vras. Un dro eo ivez da gaout plijadur, anat eo, rak ‘lidañ hor veloioù hag hor c’horfoù’ zo roet evel ur pal all.

Nemet 37 den n’o doa kemeret perzh er bourmenadenn gentañ e Kerdiz e 2008, padal e oa 67 e 2009. Ar memes manifestadeg e Londrez avat he doa sachet 1,200 a dud warlene ha hini Brighton, e kreisteiz Bro-Saoz,700.

http://wiki.worldnakedbikeride.org/index.php?title=Cy:Caerdydd

"Mat e vefe ur parlamant hep muiañniver gant strollad ebet"

2010-02-19T16:28:00.006Z

E Kerdiz emañ Plaid Cymru o terc'hel ur c'hendalc'h evit an nevezamzer. Er c'hendalc'h en deus lavaret rener ar strollad, Ieuan Wyn Jones, n'eo nemet dre vouezhiañ evit Plaid Cymru en dilennadeg hollek he devo Kembre ur "marc'had mat".

Hervezañ ez eus tu da grediñ ne vo ket sklaer disoc'h an dilennadeg-se, rak 11 diwar 12 eus ar sontadurioù adalek kreiz miz Genver a daolenn ne vo na gant Labour na gant ar Virourien ur muiañniver anat. Kement-se, avat, hervez Ieuan Wyn Jones, a vefe un disoc'h mat evit Kembre.

Goulenn a ra Ieuan Wyn Jones ma vefe kavet un doare nevez da zivizout pegement a arc'hant a vez roet da Gembre, ma c'hallor difenn an ospitalioù hag ar skolioù e-lec'h krennañ war o dispignoù. Ezhomm a vefe ivez eus ur sistem tailhoù nevez, unan hag a harpfe ar re war o leve hag ar re izel o leve.

Ar strolladoù all, eme Ieuan Wyn Jones c'hoazh, ne lakafent ket Kembre en a-raok.

http://news.bbc.co.uk/welsh/hi/newsid_8520000/newsid_8522400/8522491.stm

Gorrekik war-zu ar referendom

2010-02-17T22:45:00.004Z

Carwyn Jones, Kentañ Ministr Kembre, en deus roet lañs d’an doare-ober ret evit prientiñ da-geñver ur referendom, a-benn divizout ha roet e vo muioc’h a c’halloud da Gembre da ren hec’h aferioù hec’h-unan.

Bremañ e vo ret da Vinistr an Aferioù Kembreat, Peter Hain, a-benn an 9 a viz Mezheven, respont d’al lizher bet kaset dezhañ gant Carwyn Jones ha kinnig raktres ur referendom.

D’an 9 a viz C’hwevrer e oa savet 53 a izili ar Vodadeg e Kerdiz a-du ma vefe goulennet ar referendom. Den ne oa savet a-enep ha den n’en doa nac’het mouezhiañ – ur vot istorel eta.

Goustadik e tro an traoù, avat, ha memes mard eer war-raok ha derc’hel ar referendom, n’eo ket sur tamm ebet e vo votet ‘ya’ gant ar bobl. Justik hepken e oa bet gounezet ar referendom a roas da Gembre he Bodadeg Vroadel, ha pa vez fall an armerzh, evel m’emañ dre-holl er bloaz-mañ, e c’haller krediñ ne vo ket entanet an dud gant an afer, ha ne vo ket anat dezho pe levezon en defe ar c’hemm-se war o buhez-i, ha dreist-holl war an dro o devez-i hag o bugale da gaout ur post-labour.

Daoust ha penaos e troio an traoù?

http://news.bbc.co.uk/welsh/hi/newsid_8520000/newsid_8520400/8520469.stm

Iliz ar gembraegerien, hag hec'h ograoù, da werzhañ

2010-02-17T22:12:00.004Z

War-dro 250 den a zarempred ofisoù Ebeneser, an iliz digengredenn evit ar gembraegerien e Stryd Siarl, Kerdiz, ha buhez zo ivez er skol sul a vez dalc’het eno. Dre ma ranker dispign £200,000 evit un doenn nevez avat, hag ivez o vezañ ma vez diaes klask lec’h da barkañ ar c’hirri, ez eo bet divizet gwerzhañ ar vatimant.

Renerien an iliz a lavar emaint o lakaat o feiz en aotrou Doue, ma vint ambrouget gantañ da lec’h all. Spi o deus e vo kavet ur greizenn lies-implij, unan hag a c’hall bezañ dalc'het emvodoù liesseurt enni a-hed ar sizhun.

Hag un draig all... mar fell deoc’h prenañ un ograoù, kit e darempred gant tud Ebenezer, rak da werzhañ emañ o hini.

http://news.bbc.co.uk/welsh/hi/newsid_8510000/newsid_8517200/8517277.stm

Digoust mont war tachenn an Eisteddfod!

2010-02-15T09:25:00.007Z

D'ar sul e vo digoust mont war tachenn an Eisteddfod Vroadel e Blaenau Gwent ha Blaenau'r Cymoedd, d.l.e. bro Glynebwy (Ebbw Vale), er bloaz-mañ.

Digollet e vo an Eisteddfod gant Gouarnamant Bodadeg Kembre, a fell dezhañ sachañ muioc'h a dud da dañva sevenadur ar vro. Hervez Alun Ffred Jones, Ministr ar Glad: "n'eo ket kreñv hengoun an Eisteddfod er c'horn, ha daoust ma'z eus ur skol gembraek eno, e talc'h ar yezh da vont war ziskar eno."

Roet e vo war-dro £25,000 muioc'h eget boaz d'an Eisteddfod evit an devezh ispisial-mañ, met ne brometer ket e vo roet seurt skoazell c'hoazh en dazont!

http://news.bbc.co.uk/welsh/hi/newsid_8510000/newsid_8510300/8510399.stm

http://www.flickr.com/photos/bara-koukoug/3778103975

Teurel evezh: War a seblant ez eo ret goulenn an tikedoù digoust en a-raok...

http://news.bbc.co.uk/welsh/hi/newsid_8550000/newsid_8556600/8556691.stm

Diret gouzout kembraeg evit ren Skol-Veur Bangor

2010-02-11T12:03:00.003Z

War a seblant, ne vo ket ezhomm da rener nevez Skol-Veur Bangor gouzout kembraeg.

Bruderezh zo bet savet, hag embannet war lec'hienn an Times, evit dedennañ ur rener nevez da gemer lec'h Merfyn Jones, met daoust da bolitikerezh divyezhek ofisiel ar skol-veur ne c'houlenner ket e oufe ar rener nevez kembraeg.

An dave nemetañ d'ar yezh eo lavaret e rankfe ar rener 'prizout an endro divyezhek er skol-veur ha labourat en un doare pozitiv en endro-se.'

War a gompren Golwg360 ez eo gant kembraegerien, da lavaret eo Dafydd Elis-Thomas, Peredur Lynch ha Merfyn Davies, e voe graet an diviz da chom hep goulenn ur c'hembraeger.

An diviz a lavar kalz diwar-benn stad ofisiel ar c'hembraeg en deiz a hiziv ha stad truezus ar yezh en hor skolioù-meur.

http://www.golwg360.com/Hafan/cat46/Erthygl_9764.aspx

Savadur nevez evit skol gembraek Merthyr

2010-02-09T12:17:00.005Z

Dalc'het ez eus bet ul lid evit digeriñ ur skol gembraek kentañ-derez nevez e Merthyr Tudful e kreiz Morgannwg: Ysgol Gynradd Gymraeg Santes Tudful.

Dizaezet eo bet ar skol e 1972 ha bremañ ez eus 400 a skolidi enni, etre 3 bloaz hag 11 vloaz. 7,200,000 € (£6.3 milion) eo koustet ar savadur nevez, ennañ div sal vras, ur sal urzhiataerioù, ur gegin ma c'hall ar skolidi deskiñ fardañ boued, hag ur sal-sportoù. Klasket ez eus bet teurel evezh ouzh efed ar skol war an endro; klasket ez eus bet ober implij eus ar gouloù naturel, ha diouzh an douar e teu lod eus gwrez ar skol.

http://news.bbc.co.uk/welsh/hi/newsid_8500000/newsid_8505500/8505581.stm

lec'hienn ar skol:

http://www.santestudful.merthyr.sch.uk/

Koll postoù-labour

2010-01-15T14:12:00.001Z

E miz Du e voe divizet serriñ labouradeg produioù laezh Llandyrnog e kontelezh Dinbych ha dic’hoprañ ar 56 a dud a laboure eno. Ar braz anezho zo aet kuit bremañ hag ar re a chom a yelo kuit a-raok an 12 a viz C’hwevrer.

Goude koll ar c’hontrad gant unan eus ar gourmarc’hadoù e kave re ziaes ar perc’henn, Milk Link, paeañ ur priz uchel a-walc’h d’ar 1,800 a labourerien-douar, a genlaboure ganto, evit o laezh.

E Croesoswallt (Oswestry), war harzoù Kembre, e vo graet war-dro al laezh gant Milk Link hiviziken, met dalc’het e vo d’ober fourmaj e Llandyrnog.

E Llandyrnog, ur gêriadenn war ar maez en hanternoz, e vo bras efed ar c’holl war ar c’horn-bro, hag e-keit-se en deus diviziet an embregerezh Bosch serriñ e labouradeg e kreisteiz Kembre. Eno e vo 900 a dud o koll o fost-labour.

O koll arc’hant e oa bet Bosch warlene, evit ar wech kentañ e 60 vloaz hag evel-se e 2011 e vo kaset al labour eus Meisgyn, e-kichen Llantrisant, nepell eus Kerdiz, da Vro-Hungaria. Barzhioù evit ar c’hirri a vez savet gant Bosch ha gant enkadenn an armerzh ne oa ket tu da zerc’hel digor al labouradeg. E-keñver ar pezh a oa bet gwerzhet e 2008, e 2009 e voe gwerzhet 45% nebeutoc’h a broduioù gant Bosch.

http://news.bbc.co.uk/welsh/hi/newsid_8460000/newsid_8461400/8461498.stm

http://news.bbc.co.uk/welsh/hi/newsid_8460000/newsid_8460300/8460338.stm